புதுடெல்லி, 14 மார்ச் 2026 : மாற்றுத் திறனாளிகளுக்கான உலக பாரா தடகள கிராண்ட்பிரீ போட்டி டெல்லியில் நடைபெற்ற நிலையில், மொத்த பதக்க எண்ணிக்கையில் இந்தியா முதலிடத்தைப் பிடித்து சாதனை படைத்துள்ளது.
போட்டியின் ஒரு பகுதியாக நடைபெற்ற பெண்களுக்கான 200 மீட்டர் ஓட்டப்பந்தயத்தில் இந்திய வீராங்கனை பிரீத்தி பால் சிறப்பாக விளையாடி தங்கப்பதக்கத்தை கைப்பற்றினார். அவர் 30.26 வினாடிகளில் இலக்கை கடந்தார்.
இந்த தொடரில் இந்தியா மொத்தம் 208 பதக்கங்களை வென்று பதக்க பட்டியலில் முதலிடத்தைப் பெற்றது. இதில் 75 தங்கம், 69 வெள்ளி மற்றும் 64 வெண்கல பதக்கங்கள் அடங்குகின்றன.
அதேவேளை, ரஷியா 35 பதக்கங்களுடன் (15 தங்கம், 14 வெள்ளி, 6 வெண்கலம்) இரண்டாவது இடத்தைப் பெற்றது. இந்த வெற்றி மூலம் உலக பாரா தடகள போட்டிகளில் இந்திய வீரர்கள் தங்களது திறமையை மீண்டும் ஒருமுறை நிரூபித்துள்ளனர்.
