சிலாங்கூர், 28 அக்டோபர் 2026 : மலேசியாவில் நடைபெற்ற செமன்யிஹ் கிண்ண கபடி போட்டி 2026-ஐ வெற்றிகரமாக நடத்துவதற்கு ஒத்துழைப்பு வழங்கிய அனைவருக்கும் செமன்யிஹ் கபடி மன்றம் (KKS) நன்றியைத் தெரிவித்துள்ளது. இப்போட்டியில் கலந்துகொண்டு சிறப்பித்த சிறப்பு விருந்தினர்கள், போட்டியை ஏற்பாடு செய்த குழுவினர் மற்றும் செயற்குழு உறுப்பினர்கள் ஆகியோருக்கு மன்றம் தனது நன்றியைத் தெரிவித்துக் கொண்டது.
மேலும், வீரர்களுக்குத் தொடர்ந்து ஆதரவும் ஊக்கமும் வழங்கிய பெற்றோர், பாதுகாவலர்கள் மற்றும் ரசிகர்களுக்கும், போட்டியில் பங்கேற்ற வீரர்கள், பயிற்றுநர்கள் மற்றும் அணிகளுக்கும் பாராட்டுகள் தெரிவிக்கப்பட்டன.
வீரர்களின் அர்ப்பணிப்பு, குழுவினரின் ஒத்துழைப்பு மற்றும் ஆதரவாளர்களின் ஊக்கம் ஆகியவை போட்டியின் வெற்றிக்கு முக்கியப் பங்காற்றியதாக மன்றம் குறிப்பிட்டது. கபடி விளையாட்டின் வளர்ச்சியை ஊக்குவிப்பதோடு, எதிர்காலத்தில் மேலும் பல திறமையான வீரர்களை உருவாக்குவதற்கும் இத்தகைய போட்டிகள் தொடர்ந்து பங்களிக்கும் என நம்பிக்கை தெரிவிக்கப்பட்டது.
