பினாங்கு, 26 செப்டம்பர் 2026 : மலேசிய இந்து சங்கம் (MHS) குளுகோர் மற்றும் ஜார்ஜ்டவுன் உள்ளூராட்சி மன்றங்களின் பெண்கள் பிரிவுகள், MHS பினாங்கு மாநில மன்ற பெண்கள் பிரிவுடன் இணைந்து கூட்டுப் பிரார்த்தனை நிகழ்ச்சியை ஏற்பாடு செய்தன. செப்டம்பர் 22, 2026 அன்று கெலுகோர் ஸ்ரீ வீரமாகாளியம்மன் தேவஸ்தானத்தில் நடைபெற்ற இந்நிகழ்வில், பெண்கள் திரளாகக் கலந்துகொண்டு தேவாரம், பஜனை, பிரார்த்தனை மற்றும் தீப ஆராதனையில் பங்கேற்றனர்.
நிகழ்வில் MHS பினாங்கு மாநில துணைத் தலைவரும் பெண்கள் பிரிவு தலைவருமான விவேக ரத்னா நளினி தேவி DJN., PKT., PJK. கௌரவிக்கப்பட்டார். தொடர்ந்து அவருக்கு சிறப்பு உரையாற்றும் வாய்ப்பும் வழங்கப்பட்டது.
இந்த நிகழ்வை ஏற்பாடு செய்த குளுகோர் மற்றும் ஜார்ஜ்டவுன் உள்ளூராட்சி மன்ற பெண்கள் பிரிவு பொறுப்பாளர்களான திருமதி கீதா மற்றும் திருமதி லோகாம்பாள் உள்ளிட்ட ஏற்பாட்டாளர்களுக்கும், நிகழ்வில் பங்கேற்ற அனைத்து பெண்கள் பிரிவு உறுப்பினர்களுக்கும் நன்றி தெரிவிக்கப்பட்டது. இறைவன் சிவபெருமானின் அருள் அனைவருக்கும் அமைதி, ஒற்றுமை மற்றும் செழிப்பை வழங்கட்டும் என வாழ்த்தப்பட்டது.
