ஜப்பான், 25 செப்டம்பர் 2026 : மலேசிய கராத்தே அணி வீரர்கள் முக்ரிஸ் மஸ்லான், முகமது ஹஸ்னில் ஹென்றி மற்றும் முகமது ஐகல் அஸ்மாடி ஆகியோர் ஆண்கள் அணி கட்டா பிரிவில் வெண்கலப் பதக்கம் வென்று மலேசியாவுக்கு பெருமை சேர்த்துள்ளனர். 20ஆவது ஆசிய விளையாட்டுப் போட்டி Aichi-Nagoya 2026-ல் செப்டம்பர் 23ஆம் தேதி நடைபெற்ற வெண்கலப் பதக்கத்திற்கான போட்டியில், மலேசிய அணி வியட்நாம் அணியை 3–2 என்ற புள்ளிக்கணக்கில் வீழ்த்தியது.
ஆசிய விளையாட்டுப் போட்டியில் முதல்முறையாக பங்கேற்ற மூன்று வீரர்களும் சிறப்பாக செயல்பட்டு இந்தப் பதக்கத்தைப் பெற்றுள்ளனர். முக்ரிஸ் மஸ்லான் 18 வயதும், முகமது ஹஸ்னில் ஹென்றி 24 வயதும், முகமது ஐகல் அஸ்மாடி 28 வயதும் கொண்டவர்கள்.
இந்தப் பிரிவில் குவைத் தங்கப் பதக்கமும், மக்காவ் வெள்ளிப் பதக்கமும் வென்ற நிலையில், மலேசியா மற்றும் ஹாங்காங் அணிகள் வெண்கலப் பதக்கத்தைப் பகிர்ந்து கொண்டன.
