டோக்கியோ, 22 செப்டம்பர் 2026 : ஜப்பானை நோக்கி துஜுவான் சூறாவளி நெருங்கியதைத் தொடர்ந்து, முன்னெச்சரிக்கை நடவடிக்கையாக சுமார் 19 லட்சம் மக்கள் பாதுகாப்பான இடங்களுக்கு வெளியேற்றப்பட்டுள்ளனர். சூறாவளியின் தாக்கத்தால் ஜப்பானின் பல பகுதிகளில் கனமழை பெய்து வருவதுடன், வெள்ளப்பெருக்கும் நிலச்சரிவும் ஏற்பட்டுள்ளன. கனகவா உள்ளிட்ட பகுதிகளில் நிலச்சரிவு ஏற்பட்டுள்ளதாக தெரிவிக்கப்பட்டுள்ளது.
மணிக்கு 143 கிலோமீட்டர் வேகத்தில் பலத்த காற்று வீசியதுடன், சில நேரங்களில் காற்றின் வேகம் மணிக்கு 198 கிலோமீட்டர் வரை அதிகரித்துள்ளது. இதனால் பல இடங்களில் மரங்கள் சாய்ந்து விழுந்ததுடன், 50 ஆயிரத்துக்கும் மேற்பட்ட வீடுகளில் மின் இணைப்பு துண்டிக்கப்பட்டது. மேலும், துஜுவான் சூறாவளியின் தாக்கத்தால் 400 விமானங்கள் ரத்து செய்யப்பட்டுள்ளன. ஜப்பானின் கிழக்கு கடலோரப் பகுதிகளில் தொடர்ந்து கனமழை பெய்யும் என எச்சரிக்கை விடுக்கப்பட்டுள்ளது.
