செகாமட், 22 செப்டம்பர் 2026 : செகாமட்டில் நடைபெற்ற Tekad Komuniti, Semarak Perpaduan (TKSP) 2026 நிகழ்ச்சியை, தேசிய ஒற்றுமைத் துறை துணை அமைச்சர் யுனேஸ்வரன் ராமராஜ் அதிகாரப்பூர்வமாக தொடங்கி வைத்தார். செப்டம்பர் 19ஆம் தேதி நடைபெற்ற இந்நிகழ்ச்சி, தேசிய ஒற்றுமை அமைச்சகத்தின் ஏற்பாட்டில் மலேசிய தேசிய நூலகம் (PNM) மூலம் நடத்தப்பட்டது.
கிராமப்புற நூலகங்களை வெறும் வாசிப்பு இடங்களாக மட்டுமின்றி, அறிவு, எழுத்தறிவு மற்றும் சமூகத் தொடர்புகளுக்கான மையங்களாக மேம்படுத்துவதே இந்நிகழ்ச்சியின் முக்கிய நோக்கமாகும்.
எழுத்தறிவு, பாரம்பரியம், கலை மற்றும் கலாசாரம், வாழ்நாள் முழுவதும் கற்றல் உள்ளிட்ட அம்சங்களுடன் நிகழ்ச்சி நடத்தப்பட்டது. பல்வேறு பின்னணிகளைச் சேர்ந்த மக்களை ஒன்றிணைத்து, சமூக உறவுகளை வலுப்படுத்தும் நடவடிக்கைகளும் இடம்பெற்றன. மேலும், குழந்தைகளிடையே வாசிப்புப் பழக்கத்தையும் திறனையும் மேம்படுத்தும் வகையில் Perpustakaan Desa PNM-ன் KECA வாசிப்பு வகுப்புகள் உள்ளிட்ட முயற்சிகளும் முன்னெடுக்கப்பட்டுள்ளன.
