சிலாங்கூர், 17 செப்டம்பர் 2026 : Canon Marketing Malaysia நிறுவனம் புதிய EOS R8 Mark II Full-Frame Mirrorless கேமராவை அறிமுகப்படுத்தியுள்ளது. 24.2 மெகாபிக்சல் CMOS சென்சார் கொண்ட இந்த புதிய கேமரா, முந்தைய EOS R8 மாடலின் தொடர்ச்சியாக அறிமுகப்படுத்தப்பட்டுள்ளது. சிறிய மற்றும் இலகுவான வடிவமைப்புடன், மேம்பட்ட செயல்திறன் மற்றும் புதிய படைப்பாற்றல் அம்சங்களும் இதில் இடம்பெற்றுள்ளன.
EOS R8 Mark II-ல் 5-axis In-Body Image Stabilisation (IBIS) வசதி வழங்கப்பட்டுள்ளது. RF லென்ஸுடன் இணைந்து பயன்படுத்தும்போது, பட உறுதிப்படுத்தல் திறன் 7.5 stops வரை கிடைக்கும் என Canon தெரிவித்துள்ளது. மேலும், Dual Pixel CMOS AF II autofocus தொழில்நுட்பம், Pre-Continuous Shooting மற்றும் electronic shutter மூலம் அதிகபட்சமாக வினாடிக்கு 40 படங்கள் வரை தொடர்ச்சியாகப் படம்பிடிக்கும் வசதியும் இதில் உள்ளது. கூட்டமான இடங்களில் குறிப்பிட்ட நபரைத் தொடர்ந்து autofocus செய்யும் வசதியும் அறிமுகப்படுத்தப்பட்டுள்ளது.
புகைப்படம் மற்றும் காணொளி உருவாக்குபவர்களுக்காக பல புதிய Colour Filters, Creative AUTO mode, Background Blur உள்ளிட்ட வசதிகளும் வழங்கப்பட்டுள்ளன. Handheld Night Scene mode உள்ளிட்ட புதிய படைப்பாற்றல் அம்சங்களும் இதில் இடம்பெற்றுள்ளன. காணொளிப் பதிவுக்கு 6K-இல் இருந்து oversampled 4K 60p மற்றும் Full HD 180p வரை பதிவு செய்யும் வசதி, Canon Log 3 மற்றும் Custom LUTs ஆதரவு உள்ளிட்ட அம்சங்களும் உள்ளன. நேரலை ஒளிபரப்புக்காக கம்பி மற்றும் வயர்லெஸ் முறையில் நான்கு வகையான livestreaming வசதிகளும் வழங்கப்பட்டுள்ளன.
EOS R8 Mark II-க்காக Extension Grip EG-E2, Tripod Grip HG-1000TBR மற்றும் Speedlite EL-5 (Ver. 2) உள்ளிட்ட புதிய துணைப் பொருட்களையும் Canon அறிமுகப்படுத்தியுள்ளது. இந்த கேமராவின் விலை மற்றும் விற்பனைக்கான தேதி ஆகியவை சந்தையைப் பொறுத்து மாறுபடும் என Canon Malaysia தெரிவித்துள்ளது.
