பேராக், 14 செப்டம்பர் 2026 : பிடோர் ஸ்ரீ சித்தி விநாயகர் ஆலயத்தில் 108-வது விநாயகர் சதுர்த்தி விழா நேற்று (செப்டம்பர் 14) சிறப்பாக நடைபெற்றது. காலை 11.30 மணிக்கு நடைபெற்ற இவ்விழாவில் மலேசிய இந்து தர்ம மாமன்றம் பங்கேற்று சிறப்பித்தது. பக்தி, ஒற்றுமை மற்றும் தர்மத்தின் அடிப்படையில் நடைபெற்ற இவ்விழாவில் ஆலய பக்தர்கள் மற்றும் சமூகத்தினர் திரளாக கலந்துகொண்டனர்.
விழாவை சிறப்பாக ஏற்பாடு செய்த ஆலய நிர்வாகக் குழுவினருக்கும், நிகழ்ச்சியில் பங்களித்த அனைவருக்கும் மலேசிய இந்து தர்ம மாமன்றம் வாழ்த்து தெரிவித்தது. விநாயகப் பெருமான் அனைவருக்கும் ஞானம், செல்வ வளம், வலிமை மற்றும் நல்லிணக்கத்தை வழங்க வேண்டும் என்றும், சமூக ஒற்றுமையை மேலும் வலுப்படுத்தி தர்மத்தை நிலைநாட்ட அனைவரும் ஒன்றிணைந்து செயல்பட வேண்டும் என்றும் மாமன்றம் தெரிவித்தது.
