பேராக், 08 செப்டம்பர் 2026 : பேராக் மாநிலத்தைச் சேர்ந்த இளம் திரைப்படம் மற்றும் இசைத் துறை படைப்பாளர்களின் திறமைகளை ஊக்குவிக்கும் வகையில், Ideal Zone Resources மற்றும் Supercombo Studio ஆகியவை Pemuda Perak MIPP அமைப்புடன் இணைந்து ‘குறும்படம் மற்றும் இசைக் காணொளி விருது’ நிகழ்ச்சியை நடத்துகின்றன.
டிசம்பர் 2026ல் நடைபெறவுள்ள இந்த விருது நிகழ்ச்சி, குறும்பட இயக்குநர்கள், தயாரிப்பாளர்கள், ஒளிப்பதிவாளர்கள், இசையமைப்பாளர்கள், பாடகர்கள் மற்றும் இசைக் காணொளி உருவாக்குநர்கள் உள்ளிட்ட இளம் படைப்பாளர்களுக்கு தங்களது திறமைகளை வெளிப்படுத்துவதற்கான சிறந்த மேடையாக அமையவுள்ளது.
குறும்படப் பிரிவில் 2025ஆம் ஆண்டு முதல் உருவாக்கப்பட்ட படைப்புகள் மட்டுமே போட்டிக்கு ஏற்றுக்கொள்ளப்படும். குறும்படத்தின் மொத்த நேரம், தலைப்பு மற்றும் இறுதிப் பெயர் பட்டியல் உட்பட 15 நிமிடங்களுக்கு மிகாமல் இருக்க வேண்டும். புதிய படைப்புகள் அல்லது ஏற்கனவே யூடியூபில் வெளியிடப்பட்ட குறும்படங்களும் சமர்ப்பிக்கலாம்.
பங்கேற்பாளர்கள் தங்களது குறும்படத்தை சுவரொட்டியுடன் கூகுள் டிரைவ் மூலம் சமர்ப்பிக்க வேண்டும். ஒவ்வொரு படைப்பையும் சமர்ப்பிக்க RM100 கட்டணம் நிர்ணயிக்கப்பட்டுள்ளது. விண்ணப்பங்களைச் சமர்ப்பிப்பதற்கான கடைசி நாள் 30 அக்டோபர் 2026 ஆகும்.
இதேபோல், இசைக் காணொளிப் பிரிவிலும் 2025ஆம் ஆண்டு முதல் உருவாக்கப்பட்ட படைப்புகளைப் போட்டிக்கு சமர்ப்பிக்கலாம். இந்தப் பிரிவிற்கும் ஒரு படைப்புக்கு RM100 கட்டணம் வசூலிக்கப்படும். இசைக் காணொளியும் சுவரொட்டியுடன் கூகுள் டிரைவ் மூலம் சமர்ப்பிக்கப்பட வேண்டும்.
பேராக் மாநிலத்தைச் சேர்ந்த இளம் கலைஞர்கள் தங்களது படைப்பாற்றலையும் திறமையையும் வெளிப்படுத்தி, திரைத்துறை மற்றும் இசைத் துறையில் புதிய வாய்ப்புகளைப் பெறுவதற்கு இந்த நிகழ்ச்சி முக்கியமான தளமாக அமையும் என எதிர்பார்க்கப்படுகிறது. மேலும் தகவல்கள் மற்றும் பங்கேற்பு தொடர்பான விவரங்களுக்கு 010-217 6852 என்ற எண்ணில் லோகேஷைத் தொடர்புகொள்ளலாம்.
இடம்: பேராக், மலேசியா
விண்ணப்பக் கடைசி நாள்: 30 அக்டோபர் 2026
விருது நிகழ்ச்சி: டிசம்பர் 2026
கட்டணம்: RM100 (ஒரு படைப்புக்கு)
