பினாங்கு, 06 செப்டம்பர் 2026 : பினாங்கில் ஹரேகிருஷ்ணா மென்ஸ் சாய்ஸ் நிறுவனத்தின் 7ஆவது கிளை இன்று வெகு விமரிசையாகத் திறக்கப்பட்டது. இந்தத் திறப்பு விழாவில் டத்தோ ஸ்ரீ எம். சரவணன் சிறப்பு விருந்தினராகக் கலந்து கொண்டு புதிய கிளையைத் திறந்து வைத்தார்.
நிறுவனத்தின் நிறுவனர் திரு. பாதுமலை மற்றும் நிர்வாக இயக்குநர் ஹரேகிருஷ்ணா பாதுமலை ஆகியோருக்கு அவர் மனமார்ந்த வாழ்த்துகளைத் தெரிவித்தார். பினாங்கு மாநிலத்திற்கு தங்களது ஆடை விற்பனைத் தொழிலை விரிவுபடுத்தியிருப்பது குறிப்பிடத்தக்க சாதனை என்றும் அவர் பாராட்டினார்.
ஹரேகிருஷ்ணா மென்’ஸ் சாய்ஸ் நிறுவனத்தில் ஆண்களுக்கான நவீன, ஸ்டைலான மற்றும் சமீபத்திய வடிவமைப்புகளைக் கொண்ட பல்வேறு வகையான சட்டைகள் விற்பனை செய்யப்படுகின்றன. இதன் மூலம் பினாங்கு மக்களுக்கு தரமான ஆடைகளில் கூடுதல் தேர்வுகள் கிடைக்கும் என எதிர்பார்க்கப்படுகிறது.
தொழில்முனைவோர் தங்களது வர்த்தகத்தை துணிச்சலுடன் விரிவுபடுத்தி, புதிய வாய்ப்புகளை உருவாக்குவதைப் பார்ப்பது ஊக்கமளிப்பதாக டத்தோ ஸ்ரீ எம். சரவணன் தெரிவித்தார்.
மேலும், இந்தியத் தொழில்முனைவோர் அதிகளவில் ஜவுளி மற்றும் ஆடைத் துறையில் கால்பதித்து, வலுவான வர்த்தக நிறுவனங்களை உருவாக்குவதுடன் வேலைவாய்ப்புகளை உருவாக்கி உள்ளூர் பொருளாதாரத்திற்கும் பங்களிக்க வேண்டும் என அவர் கேட்டுக்கொண்டார். ஹரேகிருஷ்ணா மென்ஸ் சாய்ஸ் நிறுவனத்தின் பினாங்கு கிளையின் புதிய பயணம் சிறப்பான வளர்ச்சி, சாதனைகள் மற்றும் வெற்றிகளுடன் அமைய வேண்டும் என்றும் அவர் வாழ்த்து தெரிவித்தார்.
