06 ஆகஸ்ட் 2026 : அமெரிக்கா மற்றும் ஈரான் இடையிலான பேச்சுவார்த்தையில் குறிப்பிடத்தக்க முன்னேற்றம் ஏற்பட்டுள்ளதாகவும், அடுத்த 48 மணி நேரத்தில் நிலைமை தெளிவாகும் என்றும் அமெரிக்க அதிபர் டொனால்ட் டிரம்ப் தெரிவித்துள்ளார்.
செய்தியாளர்களிடம் பேசிய டிரம்ப், பேச்சுவார்த்தை தொடர்பாக “நிறைய முன்னேற்றம் ஏற்பட்டுள்ளது” எனக் குறிப்பிட்டார். அதேவேளையில், பேச்சுவார்த்தையின் இறுதி முடிவு குறித்து இன்னும் உறுதியான தகவலை வெளியிட முடியாது என்றும், அடுத்த இரண்டு நாட்களில் அதன் நிலைமை தெளிவாகும் என்றும் கூறினார்.
அமெரிக்கா மற்றும் ஈரான் இடையிலான பதற்றத்தை குறைக்கும் நோக்கில், ஓமான் வழியாக இரு நாடுகளும் மறைமுக பேச்சுவார்த்தையில் ஈடுபட்டுள்ளதாக தகவல்கள் வெளியாகியுள்ளன. குறிப்பாக, ஹோர்முஸ் நீரிணை வழியாக கப்பல் போக்குவரத்தை இயல்பு நிலைக்கு கொண்டு வருவது தொடர்பான விவாதங்களும் இடம்பெற்று வருவதாக கூறப்படுகிறது.
எனினும், பேச்சுவார்த்தை வெற்றியடையுமா என்பது குறித்து அதிகாரப்பூர்வ உறுதிப்படுத்தல் இன்னும் வெளியாகவில்லை. அடுத்த 48 மணி நேரத்தில் நடைபெறும் முன்னேற்றங்களே அமெரிக்கா–ஈரான் உறவின் அடுத்த கட்டத்தை தீர்மானிக்கும் என சர்வதேச அரசியல் வட்டாரங்கள் எதிர்பார்க்கின்றன.
