கோலாலம்பூர், 25 ஜூலை 2026 : யுனைடெட் மலேசியன் இந்து வாய்ஸ் (United Malaysian Hindu Voice – UMHV), Universiti Teknologi Malaysia (UTM) கோலாலம்பூர் இந்து மாணவர் சங்கத்துடன் இணைந்து, VYAAB 2026 – United Malaysian Hindu Businesses Summit என்ற வணிக உச்சிமாநாட்டை கடந்த ஜூலை 25 ஆம் தேதி வெற்றிகரமாக நடத்தியது.
“Driving Business Growth through Digital Innovation and Youth Entrepreneurship” என்ற தலைப்பில் நடைபெற்ற சிறப்பு கருத்தரங்கில், டிஜிட்டல் மாற்றம், வணிக வளர்ச்சி, இளைஞர்களின் பங்கு மற்றும் எதிர்கால வணிக வாய்ப்புகள் குறித்து விரிவான கலந்துரையாடல் நடைபெற்றது.
கருத்தரங்கை ஆர்.எம். ரவிச்சந்தர் எஸ். ரத்னம் நெறிப்படுத்தியதுடன், டத்தோ ரமேஷ் கோடம்மல், டத்துக் மோகன் கே, டத்துக் டாக்டர் ஏ.பி. சிவம் மற்றும் டத்தோ வி. குமாரசாமி வீரப்பன் ஆகியோர் சிறப்பு குழு உறுப்பினர்களாக பங்கேற்று, தங்களது அனுபவங்கள், வணிகத் திறன்கள் மற்றும் வெற்றிப் பயணங்களைப் பகிர்ந்து கொண்டனர்.
டிஜிட்டல் தொழில்நுட்பத்தைப் பயன்படுத்தி வணிகத்தை விரிவுபடுத்துவது, புதிய தலைமுறையினரை வணிகத் துறையில் ஈடுபடுத்துவது மற்றும் நிலையான வளர்ச்சியை உருவாக்குவது குறித்து பல பயனுள்ள கருத்துகளும் ஆலோசனைகளும் பகிரப்பட்டன. இந்த அமர்வு, வணிகத் துறையில் முன்னேற விரும்பும் இளைஞர்கள், வணிகர்கள், மாணவர்கள் மற்றும் வளர்ந்து வரும் நிறுவனங்களுக்கு சிறந்த வழிகாட்டுதலாக அமைந்தது.
நிகழ்வை வெற்றிகரமாக நடத்த ஒத்துழைப்பு வழங்கிய இணை அமைப்புகள், ஆதரவாளர்கள், தன்னார்வலர்கள் மற்றும் பங்கேற்பாளர்கள் அனைவருக்கும் UMHV தனது நன்றியைத் தெரிவித்துள்ளது.
மலேசிய இந்து வணிக சமூகத்தினரிடையே வலுவான தொடர்புகளை உருவாக்கி, ஒத்துழைப்பை மேம்படுத்தி, புதிய வணிக வாய்ப்புகளை உருவாக்கும் நோக்கில் இதுபோன்ற முயற்சிகள் எதிர்காலத்திலும் தொடரும் என ஏற்பாட்டாளர்கள் தெரிவித்தனர்.
