கோலாலம்பூர், 28 ஜூலை 2026 : ஆசியான்+3 பெருநில பொருளாதார ஆய்வு அலுவலகமான (AMRO), மலேசியாவின் 2026ஆம் ஆண்டுக்கான பொருளாதார வளர்ச்சி கணிப்பை 4.6 சதவீதத்திலிருந்து 4.9 சதவீதமாக உயர்த்தியுள்ளது. வலுவான ஏற்றுமதி, முதலீட்டு வளர்ச்சி மற்றும் செயற்கை நுண்ணறிவு (AI) தொடர்பான துறைகளில் அதிகரித்து வரும் உலகளாவிய தேவை ஆகியவை இந்த உயர்வுக்கு முக்கிய காரணங்களாகக் கூறப்பட்டுள்ளன.
AMRO வெளியிட்டுள்ள ஜூலை மாத ASEAN+3 பிராந்திய பொருளாதார முன்னோக்கு அறிக்கையின்படி, குறிப்பாக குறைகடத்தி (Semiconductor) மற்றும் மின்னணு உற்பத்தித் துறைகளின் வலுவான செயல்திறன், மலேசியாவின் ஏற்றுமதி மற்றும் முதலீட்டு வளர்ச்சிக்கு ஊக்கமளித்துள்ளதாக தெரிவிக்கப்பட்டுள்ளது.
அதேவேளை, 2027ஆம் ஆண்டுக்கான மலேசியாவின் பொருளாதார வளர்ச்சி கணிப்பு 4.7 சதவீதமாக மாற்றமின்றி தொடர்கிறது. பணவீக்கம் 2026 மற்றும் 2027 ஆகிய இரு ஆண்டுகளிலும் 2 சதவீத அளவில் நிலையாக இருக்கும் என AMRO மதிப்பிட்டுள்ளது.
உலகளாவிய தொழில்நுட்ப முதலீடுகள், குறிப்பாக செயற்கை நுண்ணறிவு மற்றும் தரவு மையங்கள் தொடர்பான முதலீடுகள், மலேசிய பொருளாதார வளர்ச்சிக்கு தொடர்ந்து ஆதரவாக அமையும் என AMRO நம்பிக்கை தெரிவித்துள்ளது.
