புதுடெல்லி, 28 ஜூலை 2026 : கர்நாடகாவின் மேகதாது அணைத் திட்டத்திற்கு தமிழ்நாட்டின் அனுமதி பெற வேண்டும் என்று உச்சநீதிமன்றத்தின் இறுதி தீர்ப்பில் எங்கும் குறிப்பிடப்படவில்லை என்று மத்திய அரசு நாடாளுமன்றத்தில் தெரிவித்துள்ளது.
மத்திய ஜல் சக்தி இணை அமைச்சர் ராஜ் பூஷண் சௌதரி, நாடாளுமன்றத்தில் எழுப்பப்பட்ட கேள்விக்கு பதிலளிக்கையில், காவிரி நீர் வழக்கில் உச்சநீதிமன்றம் வழங்கிய இறுதி தீர்ப்பில், காவிரி ஆற்றின் குறுக்கே புதிய கட்டுமானப் பணிகளை மேற்கொள்வதற்கு கர்நாடகா, தமிழ்நாடு உள்ளிட்ட கீழ்ப்பகுதி மாநிலங்களின் ஒப்புதலை பெற வேண்டும் என்று எந்தக் குறிப்பும் இடம்பெறவில்லை என விளக்கமளித்தார்.
கர்நாடக அரசு மேகதாது அணைத் திட்டத்தை முன்னெடுக்க முயற்சி செய்து வரும் நிலையில், தமிழ்நாடு தொடர்ந்து அதற்கு கடும் எதிர்ப்பு தெரிவித்து வருகிறது. அணை கட்டப்பட்டால் காவிரி நீர் வரத்து பாதிக்கப்பட்டு, டெல்டா மாவட்ட விவசாயம் மற்றும் குடிநீர் விநியோகம் பாதிக்கப்படும் என தமிழ்நாடு வலியுறுத்தி வருகிறது.
மத்திய அரசின் இந்த விளக்கம், மேகதாது அணை விவகாரத்தில் புதிய அரசியல் மற்றும் சட்டரீதியான விவாதங்களை ஏற்படுத்தியுள்ளது.
