புத்ராஜெயா, 27 ஜூலை 2026 : 2027ஆம் ஆண்டு முதல் அமல்படுத்தப்படவுள்ள புதிய பள்ளிக் கல்விப் பாடத்திட்டத்திற்கான (Kurikulum Persekolahan 2027) அனைத்து முன்னேற்பாடுகளையும் மலேசிய கல்வி அமைச்சு (KPM) தீவிரமாக மேற்கொண்டு வருவதாக கல்வி அமைச்சர் ஃபத்லினா சிடெக் தெரிவித்துள்ளார்.
2027ஆம் ஆண்டு முதல் முதலாம் வகுப்பு மற்றும் படிவம் 1 மாணவர்களுக்கு புதிய பாடத்திட்டம் படிப்படியாக அறிமுகப்படுத்தப்படும் நிலையில், பாடத்திட்டம், பாடப்புத்தகங்கள், ஆசிரியர் பயிற்சி மற்றும் கற்பித்தல் வளங்கள் உள்ளிட்ட அனைத்து அம்சங்களும் திட்டமிட்டபடி தயாராகி வருவதாக அவர் கூறினார்.
புதிய பாடத்திட்டம், 2026–2035 மலேசிய கல்வி மேம்பாட்டுத் திட்டத்தின் (RPM 2026–2035) அடிப்படையில் வடிவமைக்கப்பட்டுள்ளது. இதில் மாணவர்களின் குணநலன் மேம்பாடு, வாசிப்பு மற்றும் கணிதத் திறன்களை வலுப்படுத்துதல், திறனடிப்படையிலான கற்றல் மற்றும் 21ஆம் நூற்றாண்டின் தேவைகளுக்கேற்ப கல்வியை மேம்படுத்துதல் ஆகியவற்றுக்கு முக்கியத்துவம் அளிக்கப்பட்டுள்ளது.
புதிய பாடத்திட்டம் வெற்றிகரமாக நடைமுறைப்படுத்தப்படுவதை உறுதி செய்ய கல்வி அமைச்சு அனைத்து தரப்பினருடனும் தொடர்ந்து இணைந்து செயல்பட்டு வருவதாகவும், மாணவர்களின் முழுமையான வளர்ச்சியை இலக்காகக் கொண்டு இந்த மாற்றம் மேற்கொள்ளப்படுவதாகவும் அமைச்சர் தெரிவித்தார்.
