உக்ரைன், 15 மே 2026 : உக்ரைன் மீது ரஷியா மிகப்பெரிய அளவிலான டிரோன் தாக்குதலை மேற்கொண்டுள்ளதாக தகவல்கள் வெளியாகியுள்ளன. ஒரே நாளில் 800-க்கும் மேற்பட்ட டிரோன்கள் ஏவப்பட்டதாக உக்ரைன் அதிகாரிகள் தெரிவித்துள்ளனர்.
இந்த தாக்குதல்கள் கீவ் உள்ளிட்ட சுமார் 20 பிராந்தியங்களை குறிவைத்து நடத்தப்பட்டதாகவும், பல குடியிருப்பு பகுதிகள் மற்றும் முக்கிய உள்கட்டமைப்புகள் சேதமடைந்ததாகவும் கூறப்படுகிறது. தாக்குதலில் பலர் உயிரிழந்ததுடன், குழந்தைகள் உட்பட ஏராளமானோர் காயமடைந்துள்ளனர்.
உக்ரைன் அதிபர் வோலோடிமிர் செலன்ஸ்கி, இந்த தாக்குதல் நாட்டின் வான் பாதுகாப்பு அமைப்புகளை சோர்வடையச் செய்வதற்கான முயற்சி என குற்றம்சாட்டியுள்ளார். மேலும், டிரோன் தாக்குதல்களுக்கு பின்னர் ஏவுகணைத் தாக்குதல்களும் நடத்தப்பட்டதாக தகவல்கள் தெரிவிக்கின்றன.
இந்த தாக்குதல்களைத் தொடர்ந்து போலந்து தனது போர் விமானங்களை தயார் நிலையில் வைத்ததுடன், ஹங்கேரி ரஷிய தூதருக்கு கண்டனம் தெரிவித்துள்ளது.
அமெரிக்கா மற்றும் ரஷியா இடையே அமைதி பேச்சுவார்த்தை குறித்த தகவல்கள் வெளியாகியுள்ள நிலையிலும், இந்த புதிய தாக்குதல் ரஷியா-உக்ரைன் போரின் பதற்றத்தை மேலும் அதிகரித்துள்ளது.
