ஜெருசலேம், 11 மே 2026 : ஈரானுடனான மோதல் இன்னும் முழுமையாக முடிவுக்கு வரவில்லை என்றும், அந்நாடு தனது அணு ஆயுத திறன்களை முழுமையாக கைவிட வேண்டும் என்றும் இஸ்ரேல் பிரதமர் Benjamin Netanyahu நெதன்யாகு எச்சரித்துள்ளார்.
அமெரிக்க ஊடகத்திற்கு அளித்த பேட்டியில் அவர் இதனைத் தெரிவித்தார். ஈரானில் இன்னும் செறிவூட்டப்பட்ட யுரேனியம் கையிருப்பில் இருப்பது பெரும் அச்சுறுத்தலாக உள்ளதாகவும், அந்த அணு பொருட்கள் முழுமையாக அகற்றப்பட வேண்டும் என்றும் அவர் வலியுறுத்தினார்.
ஈரானின் அணு திட்டம் முற்றிலும் ஒழிக்கப்படாத வரை பிராந்திய பாதுகாப்புக்கு அச்சுறுத்தல் நீடிக்கும் என்றும் நெதன்யாகு கூறினார். தேவையானால் கடுமையான நடவடிக்கைகள் மேற்கொள்ளப்படலாம் என்ற சைகையையும் அவர் வெளிப்படுத்தியதாக தகவல்கள் தெரிவிக்கின்றன.
இதற்கிடையில், அமெரிக்கா மற்றும் ஈரான் இடையிலான அமைதி முயற்சிகள் தொடர்ந்து சிக்கலில் உள்ளதாக கூறப்படுகிறது. அணு திட்டம் தொடர்பான பேச்சுவார்த்தைகள் மற்றும் பிராந்திய பதற்றம் காரணமாக மத்திய கிழக்கு பகுதியில் நிலைமை தொடர்ந்து பதற்றமாகவே இருந்து வருகிறது.
