கோலாலம்பூர், 25 ஏப்ரல் 2026 : செகாம்புட் பகுதியிலுள்ள புக்கிட் கியாரா நீளவீட்டு குடியிருப்பாளர்களுக்காக சிறப்பு இலவச மருத்துவ முகாம் நடத்தப்பட்டது. பொதுமக்களின் உடல்நல விழிப்புணர்வை மேம்படுத்தவும், ஆரம்பகட்ட நோய் கண்டறிதலை ஊக்குவிக்கவும் இந்த முகாம் ஏற்பாடு செய்யப்பட்டதாக தெரிவிக்கப்பட்டது.
முகாமில் இரத்தப் பரிசோதனை, அல்ட்ராசவுண்ட், ஸ்பைரோமெட்ரி மற்றும் ECHO உள்ளிட்ட பல்வேறு மருத்துவ பரிசோதனைகள் மேற்கொள்ளப்பட்டன. இதன் மூலம் குடியிருப்பாளர்கள் தங்களது உடல்நிலையை ஆரம்பத்திலேயே பரிசோதித்து தேவையான சிகிச்சை நடவடிக்கைகளை மேற்கொள்ள வாய்ப்பு கிடைத்தது.
இந்த மருத்துவ முகாமை Gomez Medical Services முன்னெடுத்தது. சமூக நலனை மையமாகக் கொண்டு இத்தகைய மருத்துவ முகாம்கள் மக்களுக்கு பெரும் பயன் அளிப்பதாக ஏற்பாட்டாளர்கள் தெரிவித்தனர்.
ஆரம்பகட்ட சுகாதார பரிசோதனைகள் மூலம் நோய்களை முன்கூட்டியே கண்டறிந்து உரிய தொடர்ச்சி சிகிச்சைக்கு வழிவகுக்கும் முயற்சியாக இந்த முகாம் பாராட்டப்பட்டது. பங்கேற்ற குடியிருப்பாளர்களும் இந்த முயற்சிக்கு நன்றி தெரிவித்தனர்.
