இஸ்லாமாபாத், 12 ஏப்ரல் 2026 : அமெரிக்கா மற்றும் ஈரான் இடையிலான அமைதி பேச்சுவார்த்தைகள் தொடர்ந்து நீடித்து வருகின்றன. பாகிஸ்தான் தலைநகர் இஸ்லாமாபாத்தில் நடைபெற்ற முதல் நாள் கலந்துரையாடல் சுமார் 15 மணி நேரத்திற்கு மேல் நீடித்த நிலையில், பேச்சுவார்த்தைகள் இன்று இரண்டாம் நாளுக்கும் தொடர உள்ளதாக தகவல்கள் தெரிவிக்கின்றன.
இந்த பேச்சுவார்த்தைகளில், ஹார்மூஸ் நீரிணை பாதுகாப்பு, அணு ஆயுத திட்டம், பொருளாதார தடைகள் உள்ளிட்ட முக்கிய பிரச்சினைகள் குறித்து இரு தரப்பும் தீவிரமாக விவாதித்து வருகின்றன.
இரு தரப்பினருக்கும் இடையில் கருத்து வேறுபாடுகள் நீடித்தாலும், பேச்சுவார்த்தைகளை தொடர ஒப்புதல் அளிக்கப்பட்டுள்ளது. தொழில்நுட்ப நிபுணர்கள் மட்டத்திலும் ஆலோசனைகள் பரிமாறப்பட்டு வருவதாக தகவல்கள் வெளியாகியுள்ளன.
இந்த பேச்சுவார்த்தைகள், மேற்கு ஆசியாவில் நீடித்து வரும் பதற்றத்தை குறைத்து, நிலையான அமைதிக்கான வழியை அமைக்கும் முக்கிய முயற்சியாகக் கருதப்படுகிறது.
அதே நேரத்தில், முக்கிய பிரச்சினைகளில் இன்னும் உடன்பாடு எட்டப்படாததால், இந்த பேச்சுவார்த்தைகளின் முடிவு குறித்து உலக நாடுகள் கவனமாகக் காத்திருக்கின்றன.
