நியூடெல்லி, 12 ஏப்ரல் 2026 : தமிழ் திரைப்படமான ஜனநாயகன் இணையத்தில் கசிந்தது தொடர்பாக எழுந்த சர்ச்சைக்கு மத்திய திரைப்பட சான்றிதழ் வாரியம் (CBFC) விளக்கம் அளித்துள்ளது.
படம் தங்களது அமைப்பிலிருந்து கசிந்ததாக கூறப்படும் குற்றச்சாட்டுகள் “அடிப்படை இல்லாததும் தவறானதும்” என CBFC மறுத்துள்ளது.
CBFC தெரிவித்ததாவது, திரைப்பட சான்றிதழ் வழங்கும் செயல்முறை மிகவும் பாதுகாப்பான முறையில் நடைபெறுகிறது. ‘Key Delivery Message (KDM)’ என்ற பாதுகாப்பு முறையின் மூலம் மட்டுமே படம் அணுக முடியும் என்றும், தயாரிப்பாளர் அல்லது உரியவர்களுக்கே அந்த அணுகல் வழங்கப்படும் என்றும் கூறப்பட்டுள்ளது.
மேலும், படம் தொடர்பான ‘Digital Cinema Package (DCP)’ தயாரிப்பாளரிடம் ஒப்படைக்கப்பட்ட பிறகு, CBFCக்கு அதில் எந்த கட்டுப்பாடும் இல்லை என்றும் தெளிவுபடுத்தியுள்ளது.
இந்த விளக்கம், ஜனநாயகன் படம் இணையத்தில் HD தரத்தில் கசிந்ததையடுத்து ரசிகர்கள் மற்றும் திரைப்படத் துறையினரிடையே ஏற்பட்ட எதிர்ப்பின் பின்னணியில் வெளியிடப்பட்டுள்ளது.
இதன் மூலம், படம் கசிவுக்கு CBFC பொறுப்பு அல்ல என்றும், பாதுகாப்பு நடைமுறைகள் முறையாக பின்பற்றப்படுகின்றன என்றும் வாரியம் வலியுறுத்தியுள்ளது.
