வாஷிங்டன், 06 மார்ச் 2026 : ஈரானுடன் நடைபெற்று வரும் போர் நடவடிக்கைகளுக்காக அமெரிக்கா தினமும் சுமார் ரூ.8,180 கோடி வரை செலவழித்து வருவதாக தகவல்கள் வெளியாகியுள்ளன.
இஸ்ரேலுடன் இணைந்து ஈரானின் ராணுவ தளங்கள், அணு உள்கட்டமைப்புகள் மற்றும் முக்கிய பாதுகாப்பு மையங்களை குறிவைத்து அமெரிக்கா தாக்குதல்கள் நடத்தி வருகிறது. இந்த ராணுவ நடவடிக்கைகளில் விமானங்கள், ஏவுகணைகள், போர்க்கப்பல்கள் உள்ளிட்ட பல்வேறு ஆயுதங்களும் உபகரணங்களும் பயன்படுத்தப்படுவதால் செலவு வேகமாக அதிகரித்து வருவதாக கூறப்படுகிறது.
போர் தொடங்கிய முதல் சில நாட்களிலேயே அமெரிக்கா பல பில்லியன் டாலர் செலவிட்டுள்ளதாக பாதுகாப்பு ஆய்வு நிறுவனங்களின் மதிப்பீடுகள் தெரிவிக்கின்றன. இந்த நடவடிக்கைகளுக்கான செலவுகள் பெரும்பாலும் முன்கூட்டியே ஒதுக்கப்படாத நிதியிலிருந்தே மேற்கொள்ளப்பட்டதாகவும் கூறப்படுகிறது.
போர் நீடித்தால் அமெரிக்க அரசுக்கு மிகப்பெரிய பொருளாதார சுமை ஏற்படும் என நிபுணர்கள் எச்சரிக்கின்றனர். இதற்கிடையில், இந்த ராணுவ நடவடிக்கையை தொடர்ந்து நடத்த கூடுதலாக பல பில்லியன் டாலர் நிதி ஒதுக்க அமெரிக்க காங்கிரஸ் பரிசீலனை செய்ய வேண்டிய நிலை உருவாகலாம் என்றும் தகவல்கள் தெரிவிக்கின்றன.
இந்நிலையில், மத்திய கிழக்கில் நிலவும் இந்த மோதல் மேலும் தீவிரமாவதற்கான வாய்ப்பு இருப்பதாகவும் சர்வதேச அரசியல் வட்டாரங்கள் கவலை தெரிவித்து வருகின்றன.
