தேசிய வகை குவாங் தமிழ்ப்பள்ளியில் விளையாட்டு போட்டி.
குவாங் தேசிய வகை தமிழ்ப்பள்ளியில் 26-6-2014 அன்று விளையாட்டு போட்டி நடைபெற்றது. 1 முதல் 6ஆம் வகுப்பு மாணவர்களுக்கு குழுப் போட்டிகளும், தடகளப் போட்டிகளும் மற்றும் 50, 80, 100, 400 மீட்டர் ஓட்டப்பந்தயங்களும் மிகவும் சிறப்பாக நடந்தேறியது.
செலாயாங் தொகுதி மஇகாவின் இளைஞர் பிரிவு தலைவர் திரு எஸ்பி பிரபா , இப்போட்டியை தொடக்கி வைத்தார். மேலும் வெற்றி பெற்ற மாணவர்களுக்கு பரிசுகள் வழங்கினார்.
இந்த போட்டிக்கு செலாயாங் தொகுதி மஇகாவின் இளைஞர் பிரிவு பள்ளியின் பெற்றோர் ஆசிரியர் சங்க தலைவர் திரு சிவகுரு அவர்களிடம் நன்கொடை வழங்கியது.
செலாயாங் தொகுதி மஇகாவின் இளைஞர் பிரிவு செயலாளர் திரு விக்னேஸ்வரன் , செலாயாங் தொகுதி மஇகாவின் இளைஞர் பிரிவு தகவல் பிரிவு அதிகாரி திரு. சிவசங்கர், கம்போங் பூங்கா ராயா மஇகா கிளையின் தலைவி திருமதி ராணி ஆகியோரும் இதில் கலந்து கொண்டனர்.
பள்ளிக்கூடத்தை சுற்றி பார்த்த திரு எஸ்பி பிரபா , இப்பள்ளியின் மாணவர்களின் கல்வி வளர்ச்சிக்கும், மறுசீரமைப்புக்கும் தங்களால் ஆன உதவிகளை செய்து தருவதாக உறுதியளித்தார். அது தொடர்பான கடிதங்களை எழுதுமாறு தலைமையாசிரியர் திரு அன்பழகனிடம் கேட்டுக் கொண்டார்.
