பினாங்கு, 22/09/2024: 2024 – 2025 ஆம் ஆண்டுக்கான இந்திய சமூகப் பொருளாதார மேம்பாட்டு திட்ட மானிய விண்ணப்ப ஒப்புதல் விழா, ஜேபிபிகே மித்ராவின் தலைவரும் நாடாளுமன்ற உறுப்பினருமான பிரபாகரன் அ/எல் எம் பரமேஸ்வரன் தலைமையில் பினாங்கு லைட் ஹோட்டலில் நடைபெற்றது.
அக்டோபர் 2024 இல் திறக்கப்படும் 2025 MITRA மானிய விண்ணப்பத்தைப் பற்றிய விளக்கத்தை வழங்குவதே இந்த நிகழ்வின் நோக்கமாகும். இந்த நிகழ்வில் பினாங்கு மற்றும் கெடாவைச் சேர்ந்த அரசு சார இயக்கங்கள், நிறுவனங்கள், அறக்கட்டளைகள், மற்றவர்கள் என மொத்தம் 100 பேர் கலந்து கொண்டனர்.
இவ்விழாவில், திரு.பிரபாகரன், பினாங்கு மாநில ஜே.பி.பி.கே மித்ரா ஒருங்கிணைப்பாளராக பாகன் தலாம் சட்டமன்ற உறுப்பினர் கெல்வின் குமரன் கிருஷ்ணன் மற்றும் கெடா மற்றும் பெர்லிஸில் உள்ள மாநில மித்ரா ஜே.பி.பி.கே ஒருங்கிணைப்பாளராக திரு.பூபாலன் சுப்ரமணியம் ஆகியோருக்கு நியமனச் சான்றிதழை வழங்கினார்.
மேலும் இவ்விழாவில் JPPK மற்றும் ஜெலுடாங்கின் நாடாளுமன்ற உறுப்பினர் சனிஸ்வர நேதாஜி ராயர் ராஜாஜி , செனட்டர் டாக்டர். லிங்கேஸ்வரன் மற்றும் திரு. பிரபாகரன் கணபதி மித்ராவின் நிர்வாக இயக்குநர் ஆகியோரும் கலந்து சிறப்பித்தனர்.
Comments are closed, but trackbacks and pingbacks are open.