இந்திய ரிசர்வ் வங்கி ஆளுநருக்கு ஐ.எஸ். தீவிரவாதிகள் கொலை மிரட்டல்

ஏப்ரல் 16, இந்திய ரிசர்வ் வங்கி ஆளுநராக உள்ள ரகுராம் ராஜனுக்கு, ஐ.எஸ். தீவிரவாதிகள் சார்பில் கொலை மிரட்டல் இ-மெயில் கடிதம் அனுப்பப்பட்டுள்ளது.

இம்மாத தொடக்கத்தில் isis583847@gmail.com என்ற இ-மெயில் முகவரியிலிருந்து ராஜனுக்கு இந்த கொலை மிரட்டல் கடிதம் அனுப்பப்பட்டுள்ளது. அந்த இ-மெயிலில் என்ன எழுதப்பட்டிருந்தது என்பது முழுமையாக தெரியவில்லை.

அமெரிக்காவில் உள்ள கூகுள் தலைமையகத்திற்கு இ-மெயில் எங்கிருந்து வந்தது என்ற தகவலை அளிக்கும்படி காவல்துறை கேட்டுக்கொண்டுள்ளது. முதற்கட்டமாக கிடைத்துள்ள தகவலின் படி இந்தியாவுக்கு வெளியே இருந்து இந்த இ-மெயில் அனுப்பப்பட்டுள்ளதாக அதிகாரிகள் தெரிவித்துள்ளனர்.