மலாக்கா, 07 நவம்பர் 2026 : மலாக்கா மாநிலத்தின் காடெக் சட்டமன்றத் தொகுதி மக்களைச் சந்தித்து கலந்துரையாடும் நிகழ்ச்சியில் முன்னாள் அமைச்சர் கைரி ஜமாலுடின் (KJ) பங்கேற்கவுள்ளதாக, தேசிய முன்னணி வேட்பாளர் நதராஜா செல்லப்பா தெரிவித்துள்ளார்.
இந்நிகழ்ச்சி இன்று சனிக்கிழமை மாலை 5 மணி முதல் 7 மணி வரை, கோலா ஈனாவில் உள்ள அல்-அலேயா பள்ளிவாசலுக்கு எதிரே நடைபெறவுள்ளது. இதில் பொதுமக்கள் குடும்பத்தினருடன் கலந்துகொண்டு தங்களது கருத்துகளையும் தேவைகளையும் பகிர்ந்துகொள்ளுமாறு அவர் அழைப்பு விடுத்துள்ளார்.
இதற்கிடையில், காடெக் தொகுதியின் வளர்ச்சிக்காக 22 திட்டங்களையும் அவர் முன்வைத்துள்ளார்.
மக்களுக்கான 22 திட்டங்கள்:
- மாதம் 20 கன மீட்டர் வரை வீட்டு உபயோகத்திற்கான இலவச குடிநீர்.
- ஐந்து ஆண்டுகளில் 25,000 வீடுகள் சொந்தமாக்கும் திட்டம்.
- ஐந்து ஆண்டுகளுக்கு நில வரி உயர்வு இல்லை.
- புதிய தொழிற்பேட்டைகள் மூலம் 25,000 வேலைவாய்ப்புகள்.
- முதியோருக்கான வயது வந்தோர் டயப்பர், ஆதரவற்ற நோயாளிகளுக்கான பால் உள்ளிட்ட நலத்திட்ட உதவிகள்.
- ஒவ்வொரு உள்ளாட்சி மன்றத்திற்கும் இலவச ஆம்புலன்ஸ் மற்றும் கூடுதல் ஆம்புலன்ஸ் சேவை.
- மலாக்காவில் பிறக்கும் குழந்தைகளுக்கு ஒருமுறை RM100 SSPN சேமிப்பு உதவி.
- ‘மெலாக்கா எனது வீடு’ திட்டத்தின் மூலம் பழைய வீடுகளைப் புதுப்பித்தல் மற்றும் புதிய வீடுகள் கட்டுதல்.
- சிறு வணிகர்களுக்கு நிதியுதவி.
- SPM மற்றும் STPM மாணவர்களுக்கு இலவசப் பயிற்சி வகுப்புகள்.
- MeSRA திட்டத்தின் மூலம் கோழி மற்றும் இறைச்சி விலையில் 30 விழுக்காடு தள்ளுபடி.
- KAFA மாணவர்களுக்கு போக்குவரத்து உதவி.
- இளைஞர்கள் புதிய தொழில் தொடங்குவதற்கான தொழில் முனைவோர் மானியம்.
- சொந்த நிலத்தில் வீடு கட்டுவதற்கு RM80,000 வரை கடனுதவி.
- இஸ்லாம் அல்லாத வழிபாட்டுத் தலங்களுக்கு நிதியுதவி.
- மலாக்கா மாநிலப் பள்ளிகளின் பெற்றோர்-ஆசிரியர் சங்கங்களுக்கு (PIBG) ஒருமுறை மானியம்.
- ஹஜ் பயணிகளுக்கு ஒருமுறை ‘சகுஹாத்தி’ உதவி.
- பி-ஹெய்லிங் (P-Hailing) சேவைத் தொழிலாளர்களுக்கு மோட்டார் சைக்கிள் பராமரிப்பு உதவி.
- புதிதாகத் திருமணமான தம்பதிகளுக்கு ஒருமுறை ‘சகுஹாத்தி’ உதவி.
- கிராமப்புறங்கள் மற்றும் முக்கியச் சாலைகளில் சூரிய மின்விளக்குகள் அதிகரிப்பு.
- மலாக்காவை தொழில்நுட்ப மற்றும் தொழிற்கல்விப் பயிற்சிக்கான (TVET) மையமாக உருவாக்குதல்.
- ‘மக்களுக்கான மக்கள் பிரதிநிதி’ (WRUR) திட்டத்தைத் தொடர்ந்து செயல்படுத்துதல்.
இத்திட்டங்கள் அனைத்தும் மலாக்கா மாநிலத்தின் வளர்ச்சி, வேலைவாய்ப்பு, கல்வி, வீட்டு வசதி மற்றும் சமூக நலனை மேம்படுத்தும் நோக்கில் முன்வைக்கப்பட்டுள்ளதாக வேட்பாளர் தரப்பில் தெரிவிக்கப்பட்டுள்ளது.
