மலாக்கா, 06 நவம்பர் 2026 : மலாக்கா மாநிலத்தின் 16ஆவது சட்டமன்றத் தேர்தலுக்கான வாக்குப்பதிவு வரும் நவம்பர் 14ஆம் தேதி நடைபெறும் என மலேசியத் தேர்தல் ஆணையம் (SPR) அறிவித்துள்ளது. தேர்தல் ஆணையம் வெளியிட்டுள்ள அதிகாரப்பூர்வத் தேர்தல் கால அட்டவணையின்படி, வேட்புமனுத் தாக்கல் அக்டோபர் 31ஆம் தேதி நடைபெற்றது. முன்கூட்டிய வாக்குப்பதிவு நவம்பர் 10ஆம் தேதி நடைபெறவுள்ளது.
பொதுமக்களுக்கான வாக்குப்பதிவு நவம்பர் 14ஆம் தேதி சனிக்கிழமை நடைபெறும் என அறிவிக்கப்பட்டுள்ளது. மலாக்கா மாநிலத்தின் 16ஆவது சட்டமன்றத் தேர்தலை முன்னிட்டு, வேட்புமனுத் தாக்கல், முன்கூட்டிய வாக்குப்பதிவு மற்றும் பொதுவாக்குப்பதிவு ஆகியவற்றுக்கான தேதிகளைத் தேர்தல் ஆணையம் வெளியிட்டுள்ளது.
வாக்காளர்கள் தங்களுக்கான வாக்குச்சாவடி மற்றும் வாக்குப்பதிவு தொடர்பான தகவல்களை முன்கூட்டியே சரிபார்த்து, ஜனநாயகக் கடமையை நிறைவேற்றத் தயாராக இருக்குமாறு கேட்டுக்கொள்ளப்படுகின்றனர்.
