கோலாலம்பூர், 28 செப்டம்பர் 2026 : மறைந்த டாக்டர் ஹஸ்மா அலிக்கு மலேசிய பிரதமர் அன்வார் இப்ராகிம் மற்றும் அவரது மனைவி அஸீஸா ஆகியோர் நேரில் சென்று இறுதி மரியாதை செலுத்தினர்.
ஹஸ்மா அலி அன்பும் கனிவும் நிறைந்த தாயாகவும், தங்களது நெருங்கிய நண்பராகவும் இருந்ததாக அன்வார் இப்ராகிம் நினைவுகூர்ந்தார். அவருடன் பகிர்ந்து கொண்ட பல இனிய நினைவுகள் தங்களது மனதில் தொடர்ந்து இருப்பதாகவும் அவர் தெரிவித்தார்.
நாட்டுக்காக ஹஸ்மா அலி ஆற்றிய சேவைகளும் பங்களிப்புகளும் தொடர்ந்து நினைவுகூரப்படும் என்று கூறிய அன்வார், அவரது மறைவால் துயரத்தில் இருக்கும் முன்னாள் பிரதமர் டாக்டர் மகாதீர் முகமது தொடர்ந்து வலிமையுடனும் நல்ல உடல்நலத்துடனும் இருக்க பிரார்த்திப்பதாக தெரிவித்தார்.
மறைந்த ஹஸ்மா அலியின் ஆன்மாவை இறைவன் மன்னித்து, அவரது நற்செயல்களை ஏற்றுக்கொண்டு, இறை நம்பிக்கையாளர்களுடன் அவரை இணைத்தருள வேண்டும் என்றும் அன்வார் பிரார்த்தனை செய்தார்.
