சிலாங்கூர், 27 செப்டம்பர் 2026 : பக்காத்தான் ஹராப்பான் சிலாங்கூர் 2026-ஆம் ஆண்டுக்கான ஆண்டுப் பொதுக்கூட்டம் மற்றும் கலந்துரையாடல் முகாம், சுபாங் ஜெயாவில் உள்ள ஜெனோ ஹோட்டலில் நடைபெற்றது. இதில் பாப்பாராயுடு வீரமன் பங்கேற்றார்.
இந்தச் சந்திப்பில் பக்காத்தான் ஹராப்பான் சிலாங்கூரின் தலைவர்கள் மற்றும் உறுப்பினர்கள் ஒன்றுகூடி, ஒத்துழைப்பை வலுப்படுத்துதல், கருத்துகளைப் பரிமாறிக் கொள்ளுதல் மற்றும் தற்போதைய சவால்களை எதிர்கொள்ளும் வகையில் அடுத்தகட்ட செயல்பாடுகள் குறித்து கலந்துரையாடினர்.
அதேவேளையில், நிலையான மற்றும் திறமையான நிர்வாகத்தை உறுதி செய்வதுடன், மக்களின் நலனுக்கு தொடர்ந்து முன்னுரிமை அளிக்கும் வகையில் மதானி அரசாங்கத்தை மேலும் வலுப்படுத்துவதும் முக்கிய அம்சமாக இடம்பெற்றது.
இந்தச் சந்திப்பின் மூலம் வலுப்படுத்தப்பட்ட ஒற்றுமை மற்றும் ஒத்துழைப்பு, சிலாங்கூர் மற்றும் மலேசிய மக்களின் நலனுக்கான திட்டமிட்ட செயல்பாடுகளாக தொடர்ந்து முன்னெடுக்கப்படும் என பாப்பாராயுடு வீரமன் தெரிவித்தார்.
