ஜப்பான், 24 செப்டம்பர் 2026 : மலேசிய வுஷூ வீராங்கனை செங் மின் டான், 20-வது ஆசிய விளையாட்டுப் போட்டியில் பெண்களுக்கான நன்சுவான் மற்றும் நன்டாவ் ஒருங்கிணைந்த பிரிவில் வெண்கலப் பதக்கம் வென்று மலேசிய அணிக்கு பெருமை சேர்த்துள்ளார்.
அய்ச்சி-நகோயா 2026 ஆசிய விளையாட்டுப் போட்டியில் நடைபெற்ற இறுதிப் போட்டியில் செங் மின் டான், நன்சுவான் பிரிவில் 9.726 புள்ளிகளும், நன்டாவ் பிரிவில் 9.663 புள்ளிகளும் பெற்று மொத்தம் 19.389 புள்ளிகளுடன் மூன்றாவது இடத்தைப் பிடித்தார். சீனாவின் ஜாங் யாலிங் 19.569 புள்ளிகளுடன் தங்கப் பதக்கத்தையும், உஸ்பெகிஸ்தானின் தர்யா லதிஷேவா 19.413 புள்ளிகளுடன் வெள்ளிப் பதக்கத்தையும் வென்றனர்.
உலக சாம்பியனான செங் மின் டான், ஆசிய விளையாட்டுப் போட்டிகளில் தொடர்ந்து மூன்றாவது முறையாகப் பங்கேற்றுள்ளார். கடந்த 2018-ஆம் ஆண்டு ஜகார்த்தா–பாலெம்பாங் ஆசிய விளையாட்டுப் போட்டியில் இதே பிரிவில் நான்காவது இடத்தைப் பிடித்த அவர், 2022-ஆம் ஆண்டு ஹாங்சோ ஆசிய விளையாட்டுப் போட்டியில் வெள்ளிப் பதக்கம் வென்றிருந்தார். இதன் மூலம் ஆசிய விளையாட்டுப் போட்டிகளில் அவர் வென்றுள்ள பதக்கங்களின் எண்ணிக்கை இரண்டாக உயர்ந்துள்ளது.
