கோலாலம்பூர், 03 செப்டம்பர் 2026 : அமெரிக்க டாலருக்கு எதிராக மலேசிய ரிங்கிட் இன்று காலை சற்று உயர்வுடன் வர்த்தகத்தைத் தொடங்கியது. மலேசிய மத்திய வங்கியான BNM-ன் நாணயக் கொள்கைக் குழு (MPC) இன்று வெளியிடவுள்ள ஒரே இரவு கொள்கை வட்டி விகிதமான OPR குறித்த முடிவை முதலீட்டாளர்கள் எதிர்பார்த்து வருகின்றனர்.
காலை 8 மணியளவில், அமெரிக்க டாலருக்கு எதிரான ரிங்கிட் 4.0385/4.0455 ஆக இருந்தது. புதன்கிழமை வர்த்தக முடிவில் இது 4.0435/4.0475 ஆக இருந்தது.
Bank Muamalat Malaysia Bhd-ன் தலைமைப் பொருளாதார நிபுணர் டாக்டர் முகமது அஃப்சானிசாம் அப்துல் ரஷித், BNM தற்போதைய 2.75 சதவீத OPR-ஐ தொடர்ந்து நிலைநிறுத்தும் என எதிர்பார்க்கப்படுவதாக தெரிவித்தார்.
அமெரிக்க டாலர் குறியீடும் 0.12 சதவீதம் சரிந்து 99.555 புள்ளிகளாகப் பதிவானது. இதனிடையே, ரிங்கிட் இன்று சிறிதளவு மேலும் வலுப்பெற வாய்ப்புள்ளதாகவும், அதன் வர்த்தகம் குறுகிய வரம்புக்குள் இருக்கும் என்றும் அவர் குறிப்பிட்டார்.
பிற முக்கிய நாணயங்களுக்கு எதிராக, ரிங்கிட் பிரிட்டிஷ் பவுண்ட் மற்றும் யூரோவுக்கு எதிராக உயர்ந்த நிலையில் இருந்தது. அதேவேளை, ஜப்பானிய யென் மற்றும் சில ஆசிய பிராந்திய நாணயங்களுக்கு எதிராக ரிங்கிட் சற்று சரிவைக் கண்டது.
