கோலாலம்பூர், 02 செப்டம்பர் 2026 : மலேசிய இந்து சங்கம் ஏற்பாட்டில் நடைபெற்ற 48ஆவது தேசிய திருமுறைப் போட்டி 2026இல் சிலாங்கூர் மாநிலம் ஒட்டுமொத்த மாநில சாம்பியன் பட்டத்தை வென்று சிறப்பிடம் பெற்றுள்ளது. இப்போட்டியில் பேராக் மாநிலம் முதல் இரண்டாம் இடத்தைப் பிடித்த நிலையில், பினாங்கு மாநிலம் இரண்டாம் இரண்டாம் இடத்தைப் பெற்றுள்ளது.
திருமுறையின் சிறப்பையும் அதன் ஆன்மிக மற்றும் பண்பாட்டு பாரம்பரியத்தையும் இளம் தலைமுறையினரிடம் கொண்டு செல்லும் நோக்கில் தேசிய அளவில் இப்போட்டி நடத்தப்பட்டது. பல்வேறு மாநிலங்களைச் சேர்ந்த போட்டியாளர்கள் இதில் பங்கேற்று தங்களது திறமைகளை வெளிப்படுத்தினர்.
பல்வேறு பிரிவுகளில் நடைபெற்ற போட்டிகளில் சிலாங்கூர், பேராக் மற்றும் கெடா மாநிலங்களைச் சேர்ந்த போட்டியாளர்கள் தங்கப் பதக்கங்களை வென்றனர். திருமுறைப் பிரிவு 1இல் சிலாங்கூரைச் சேர்ந்த கம்மிரா மயில் A/P அப்சலோம் தங்கப் பதக்கம் வென்றார். திருமுறைப் பிரிவு 2இல் சிலாங்கூரைச் சேர்ந்த மாதேஷ் A/L S. ரவிச்சந்திரன் தங்கம் பெற்றார்.
திருமுறைப் பிரிவு 3இல் பேராக் மாநிலத்தைச் சேர்ந்த ஷாமினி A/P சுப்ரமணி தங்கப் பதக்கம் வென்றார். பஞ்சபுராணம் பிரிவில் சிலாங்கூரைச் சேர்ந்த நாம்யா A/P விக்னேஸ்வரன் தங்கம் வென்றார். பதிகம் பாராயணம் பிரிவில் கெடாவைச் சேர்ந்த குணசாகரி A/P கலியப்பன் தங்கப் பதக்கம் பெற்றதுடன், பேச்சுப் பிரிவில் சிலாங்கூரைச் சேர்ந்த சூரியலகன் A/L மாத்தி யாலகன் தங்கப் பதக்கம் வென்றார்.
இந்த வெற்றிகளின் அடிப்படையில் சிலாங்கூர் ஒட்டுமொத்த மாநில வெற்றியாளராக அறிவிக்கப்பட்டது. பேராக் முதல் இரண்டாம் இடத்தையும், பினாங்கு இரண்டாம் இரண்டாம் இடத்தையும் பெற்றன. திருமுறையை முறையாகக் கற்று அதன் பெருமையை அடுத்த தலைமுறையினரிடம் கொண்டு செல்லும் வகையில் இத்தகைய தேசிய அளவிலான போட்டிகள் முக்கிய பங்காற்றுகின்றன. வெற்றி பெற்ற அனைத்து போட்டியாளர்களுக்கும் மலேசிய இந்து சங்கம் பாராட்டுகளையும் வாழ்த்துகளையும் தெரிவித்துள்ளது.
