கோலாலம்பூர், 31 ஆகஸ்ட் 2026 : நாட்டின் 69ஆவது தேசிய தினத்தை முன்னிட்டு மாமன்னர் சுல்தான் இப்ராஹிம் மற்றும் பேரரசி ராஜா ஜரித் சோபியா ஆகியோர் அனைத்து மலேசியர்களுக்கும் தேசிய தின வாழ்த்துகளைத் தெரிவித்துள்ளனர். நாட்டின் சுதந்திரத்தையும் இறையாண்மையையும் போற்றும் இந்நாளில், அனைத்து மலேசியர்களும் ஒற்றுமை, நல்லிணக்கம் மற்றும் பரஸ்பர மரியாதையுடன் நாட்டின் முன்னேற்றத்திற்குப் பங்களிக்க வேண்டும் என அவர்கள் வலியுறுத்தினர்.
பல்வேறு இனங்கள், மதங்கள் மற்றும் பின்னணிகளைக் கொண்ட மக்களின் ஒற்றுமையே மலேசியாவின் பலமாக விளங்குவதாகக் குறிப்பிட்ட அவர்கள், நாட்டில் அமைதி, நல்லிணக்கம் மற்றும் செழிப்பு தொடர்ந்து நிலைத்திருக்க வாழ்த்தினர். மேலும், தேசிய தினத்தின் உண்மையான அர்த்தத்தை உணர்ந்து, நாட்டின் எதிர்கால தலைமுறைக்காக ஒற்றுமையையும் நாட்டுப்பற்றையும் தொடர்ந்து வளர்க்குமாறு அனைத்து மலேசியர்களையும் அவர்கள் கேட்டுக்கொண்டனர்.
