கோலாலம்பூர், 17 ஆகஸ்ட் 2026 : முஸ்லிம் மக்களின் நம்பிக்கை மற்றும் நலனைப் பாதுகாக்கும் வகையில் தபூங் ஹாஜி சட்டத்தில் திருத்தம் மேற்கொள்ளப்படவுள்ளதாக பிரதமர் டத்தோ ஸ்ரீ அன்வார் இப்ராஹிம் தெரிவித்துள்ளார். தபூங் ஹாஜி நிறுவனத்தின் நிர்வாகம் மற்றும் செயல்பாடுகளை மேலும் வலுப்படுத்தும் நோக்கில் இந்தச் சட்டத் திருத்தம் மேற்கொள்ளப்படவுள்ளது. குறிப்பாக, முஸ்லிம் மக்களால் ஒப்படைக்கப்பட்டுள்ள நிதி மற்றும் அவர்களின் நம்பிக்கையைப் பாதுகாப்பதில் நிர்வாகப் பொறுப்புணர்வை உறுதி செய்வதே இதன் முக்கிய நோக்கமாகும்.
நிறுவனத்தின் நிர்வாகத்தில் ஏதேனும் குறைபாடுகள் காணப்பட்டால் அவற்றைச் சரிசெய்து, எதிர்காலத்தில் இதுபோன்ற பிரச்சினைகள் ஏற்படாமல் தடுக்கும் வகையில் தேவையான நடவடிக்கைகள் மேற்கொள்ளப்படும் என பிரதமர் தெரிவித்துள்ளார். தபூங் ஹாஜி தொடர்பான அரச விசாரணை ஆணையத்தின் கண்டுபிடிப்புகளைத் தொடர்ந்து, நிறுவனத்தின் நிர்வாகம் மற்றும் நிதி மேலாண்மை தொடர்பான நடைமுறைகளை மேலும் வலுப்படுத்த வேண்டியதன் அவசியமும் வலியுறுத்தப்பட்டுள்ளது.
முஸ்லிம் மக்களின் நம்பிக்கைக்குரிய நிறுவனமாக தபூங் ஹாஜியின் செயல்பாடுகள் தொடர்ந்து வெளிப்படையாகவும் பொறுப்புடனும் அமைய வேண்டும் என்பதற்காக இந்தச் சட்டத் திருத்தம் முக்கியமான நடவடிக்கையாக அமையும் என எதிர்பார்க்கப்படுகிறது.
