புதுடெல்லி, 20 ஜூலை 2026 : தேசிய அளவிலான நுழைவுத் தேர்வுகளில் நடைபெற்றதாகக் கூறப்படும் வினாத்தாள் கசிவு விவகாரத்தைத் தொடர்ந்து போராட்டத்தில் ஈடுபட்டு வரும் காக்ரோச் ஜனதா கட்சி (CJP) பிரதிநிதிகள், மத்திய சுகாதாரத் துறை அமைச்சர் ஜே.பி. நட்டாவை சந்தித்து, போராட்டத்தை முடிவுக்குக் கொண்டுவர மூன்று முக்கிய கோரிக்கைகளை முன்வைத்தனர்.
அவர்களின் முதல் கோரிக்கையாக, மத்திய கல்வி அமைச்சர் தர்மேந்திர பிரதான் பதவி விலக வேண்டும் என வலியுறுத்தப்பட்டது. இரண்டாவது கோரிக்கையாக, வினாத்தாள் கசிவு மற்றும் தேர்வு முறைகேடுகளுக்கான பொறுப்பை மத்திய அரசு அதிகாரப்பூர்வமாக ஏற்க வேண்டும் என்று தெரிவிக்கப்பட்டது. மூன்றாவது கோரிக்கையாக, தேர்வு முறைகேடுகளால் பாதிக்கப்பட்ட மாணவர்களுக்கு நீதி வழங்கும் வகையில் விரிவான சீர்திருத்த நடவடிக்கைகளை அரசு மேற்கொள்ள வேண்டும் என வலியுறுத்தப்பட்டது.
இந்தக் கோரிக்கைகள் குறித்து ஜே.பி. நட்டாவுடன் நடைபெற்ற சந்திப்பில் விவாதிக்கப்பட்டாலும், அரசு தரப்பில் எந்தவித உறுதியான வாக்குறுதியும் அளிக்கப்படவில்லை என்று சி.ஜே.பி. தலைவர்கள் தெரிவித்தனர். போராட்டத்தை கைவிடுமாறு அமைச்சர் கேட்டுக்கொண்ட போதிலும், தங்களது கோரிக்கைகளில் உறுதியான முன்னேற்றம் ஏற்படும் வரை போராட்டம் தொடரும் என்றும் அவர்கள் அறிவித்தனர்.
இதற்கிடையில், கல்வியாளர் சோனம் வாங்சுக் உடல்நலக் குறைவு காரணமாக மருத்துவமனையில் அனுமதிக்கப்பட்ட நிலையில், மாணவர்கள் மற்றும் இளைஞர்கள் தலைமையிலான இந்தப் போராட்டம் நாடு முழுவதும் பெரும் கவனத்தை ஈர்த்து வருகிறது.
