கனடா, 04 ஜூலை 2026 : ஆசிய நாடுகளுக்கு கச்சா எண்ணெய் ஏற்றுமதியை அதிகரிப்பதற்காக, புதிய மாபெரும் எண்ணெய் குழாய் (Pipeline) அமைக்கும் திட்டத்தை கனடா அரசு அறிவித்துள்ளது. இந்தத் திட்டத்தின் மூலம் அமெரிக்க சந்தையை மட்டுமே சார்ந்திருக்கும் நிலையை குறைத்து, ஆசிய நாடுகளுக்கான ஏற்றுமதியை விரிவுபடுத்த அரசு நடவடிக்கை எடுத்துள்ளது.
புதிய குழாய், அல்பெர்டா மாகாணத்திலிருந்து பிரிட்டிஷ் கொலம்பியாவின் பசிபிக் கடற்கரை வரை அமைக்கப்படவுள்ளது. இதன் மூலம் தினசரி சுமார் 10 லட்சம் பீப்பாய் கச்சா எண்ணெயை ஆசிய சந்தைகளுக்கு கொண்டு செல்லும் வசதி உருவாகும் என தெரிவிக்கப்பட்டுள்ளது.
இந்தத் திட்டம் 2027ஆம் ஆண்டு செப்டம்பரில் கட்டுமானப் பணிகளைத் தொடங்கும் வகையில் திட்டமிடப்பட்டுள்ளது. கூட்டாட்சி அரசு, அல்பெர்டா அரசு மற்றும் அரசுக்கு சொந்தமான டிரான்ஸ் மவுண்டன் நிறுவனம் இணைந்து இத்திட்டத்தை செயல்படுத்தவுள்ளன. சுற்றுச்சூழல் பாதுகாப்பு, பழங்குடியின மக்களின் ஒத்துழைப்பு மற்றும் தேவையான ஒழுங்குமுறை அனுமதிகளைப் பெற்ற பிறகே பணிகள் முன்னெடுக்கப்படும் என்றும் தெரிவிக்கப்பட்டுள்ளது.
இந்த புதிய திட்டம், கனடாவின் எரிசக்தி ஏற்றுமதியை உலகளவில் விரிவுபடுத்துவதோடு, வேகமாக வளர்ந்து வரும் ஆசிய சந்தைகளில் தனது பங்கையும் வலுப்படுத்தும் முக்கிய முயற்சியாகக் கருதப்படுகிறது.
