22 ஜூன் 2026 : பிரிட்டன் பிரதமர் கெய்ர் ஸ்டார்மர் இன்று தனது பதவி விலகல் தொடர்பான அறிவிப்பை வெளியிடுவாரா என்ற எதிர்பார்ப்பு அந்நாட்டு அரசியல் வட்டாரங்களில் அதிகரித்துள்ளது. தொழிற்கட்சிக்குள் எழுந்துள்ள எதிர்ப்பு மற்றும் தலைமை மாற்றத்திற்கான அழுத்தம் காரணமாக, அவர் தனது அரசியல் எதிர்காலம் குறித்து முக்கிய முடிவை எடுக்கலாம் என தகவல்கள் வெளியாகியுள்ளன.
அண்மையில் நடைபெற்ற இடைத்தேர்தலில் ஆண்டி பர்ன்ஹாம் வெற்றி பெற்றதைத் தொடர்ந்து, தொழிற்கட்சியின் பல நாடாளுமன்ற உறுப்பினர்கள் தலைமை மாற்றத்தை வலியுறுத்தி வருவதாகக் கூறப்படுகிறது. இதனால், ஸ்டார்மர் தனது பதவி விலகலுக்கான காலஅட்டவணையை இன்று அறிவிக்கக்கூடும் என்ற தகவல்கள் வெளியாகியுள்ளன.
எனினும், பிரதமர் அலுவலகம் தரப்பில், ஸ்டார்மர் தொடர்ந்து தனது பொறுப்பில் கவனம் செலுத்தி வருவதாகவும், பதவி விலகல் குறித்து எந்த அதிகாரப்பூர்வ அறிவிப்பும் இதுவரை வெளியிடப்படவில்லை என்றும் தெரிவிக்கப்பட்டுள்ளது.
இந்நிலையில், அவர் இன்று வெளியிடும் அறிவிப்பு பிரிட்டன் அரசியலில் அடுத்த கட்ட மாற்றங்களுக்கு வழிவகுக்குமா என்ற எதிர்பார்ப்பு நிலவி வருகிறது. அவர் பதவி விலகினால், தொழிற்கட்சியின் புதிய தலைவரைத் தேர்வு செய்யும் நடவடிக்கைகள் தொடங்கும் என்றும் அரசியல் ஆய்வாளர்கள் கருதுகின்றனர்.
