டோக்கியோ, 10 ஜூன் 2026 : மலேசியா மற்றும் ஜப்பான் இடையிலான இருதரப்பு உறவுகளை மேலும் வலுப்படுத்தும் வகையில், இரு நாடுகளும் நான்கு ஒத்துழைப்பு ஒப்பந்தங்களில் (MoC) கையெழுத்திட்டுள்ளன. இந்த ஒப்பந்தங்கள் பிரதமர் டத்தோ ஸ்ரீ அன்வார் இப்ராஹிமின் ஜப்பான் பயணத்தின் போது மேற்கொள்ளப்பட்டன.
கடல்சார் பாதுகாப்பு, சுற்றுச்சூழல் மற்றும் நிலைத்தன்மை, திடக்கழிவு மேலாண்மை மற்றும் மருத்துவ உபகரணத் துறை உள்ளிட்ட முக்கிய துறைகளில் இந்த ஒப்பந்தங்கள் கவனம் செலுத்துகின்றன.
மேலும், பொருளாதாரம், அறிவியல், தொழில்நுட்பம், ஆற்றல் மாற்றம், உயர்கல்வி மற்றும் பிராந்திய பாதுகாப்பு உள்ளிட்ட துறைகளில் இரு நாடுகளும் ஒத்துழைப்பை விரிவுபடுத்த உறுதி தெரிவித்துள்ளன.
இந்த ஒப்பந்தங்கள், மலேசியா–ஜப்பான் உறவை விரிவான மூலோபாய கூட்டாண்மை (Comprehensive Strategic Partnership) நிலைக்கு உயர்த்தும் முயற்சியின் ஒரு பகுதியாகக் கருதப்படுகின்றன.
