காஜாங், 04 ஜூன் 2026 : சிலாங்கூர் மாநிலம், பண்டார் மகோத்தா செராஸில் அமைந்துள்ள தேசிய வகை பண்டார் மகோத்தா செராஸ் தமிழ்ப் பள்ளியின் நான்கு மாணவர்கள், சர்வதேச அளவில் நடத்தப்படும் ஹிப்போ 2026 (HIPPO 2026) ஆங்கில மொழித் திறன் போட்டியின் உலகளாவிய இறுதிச் சுற்றுக்கு நேரடியாகத் தகுதி பெற்று பள்ளிக்கு பெருமை சேர்த்துள்ளனர்.
இத்தாலியின் அசிசி (Assisi) நகரில் நடைபெறவுள்ள உலக இறுதிப் போட்டியில் பங்கேற்கும் மாணவர்கள்:
• யுவந்திரன் நாயர் (4 அம்பாள்)
• தர்மிக்சிலன் குணசிலன் (4 அம்பாள்)
• அக்ஷாஜ் டேவ் சிங் (4 செம்மல்)
• ராஜ்மித்ரியன் செல்வராசன் (4 செம்மல்)
இந்த மாணவர்கள் தங்களது விடாமுயற்சி, அர்ப்பணிப்பு மற்றும் சிறப்பான ஆங்கில மொழித் திறமையின் மூலம் இந்த உயரிய சாதனையைப் படைத்துள்ளதாக பள்ளி நிர்வாகம் தெரிவித்துள்ளது.
சர்வதேச அரங்கில் பள்ளியை பிரதிநிதித்துவப்படுத்தும் இந்த வாய்ப்பு, மாணவர்களின் தனிப்பட்ட திறமையையும், பள்ளியின் கல்வித் தரத்தையும் வெளிப்படுத்தும் ஒரு முக்கிய மைல்கல்லாகக் கருதப்படுகிறது.
மாணவர்களின் இந்த வெற்றிக்கு ஆசிரியர்கள், பெற்றோர்கள் மற்றும் பள்ளி நிர்வாகம் பெருமிதம் தெரிவித்துள்ளதுடன், உலகளாவிய இறுதிப் போட்டியிலும் அவர்கள் சிறப்பாகச் செயல்பட்டு மேலும் பல வெற்றிகளைப் பெற வாழ்த்துக்களைத் தெரிவித்துள்ளனர்.
இளம் சாதனையாளர்களுக்கும், அவர்களின் குடும்பத்தினருக்கும் பள்ளி சமூகத்தின் சார்பில் மனமார்ந்த பாராட்டுகளும் வாழ்த்துகளும் தெரிவிக்கப்பட்டுள்ளன.
