பினாங்கு, 26 ஏப்ரல் 2026 : குபாங் செமாங்கில் உள்ள தேசிய தகவல் பரவல் மையம், சர்வதேச தொலைத்தொடர்பு ஒன்றியம் வழங்கிய டிஜிட்டல் உருமாற்ற மைய அங்கீகாரத்தைப் பெற்றுள்ளது. சமூகத்தை டிஜிட்டல் அணுகல், திறன் மற்றும் வாய்ப்புகள் மூலம் வலுப்படுத்தியதற்கான உலகளாவிய அங்கீகாரமாக இது கருதப்படுகிறது.
இந்த அங்கீகார விழாவை பிரதமர் அன்வார் இப்ராஹிம் அதிகாரப்பூர்வமாக தொடக்கி வைத்து, நாட்டின் டிஜிட்டல் முன்னேற்ற நிகழ்ச்சி நிரலை முன்னெடுக்கும் அரசின் தொடர்ச்சியான உறுதிப்பாட்டை வலியுறுத்தினார்.
தேசிய தகவல் பரவல் மையங்கள் மக்களிடையே டிஜிட்டல் அறிவு, திறன் மேம்பாடு மற்றும் தொழில்நுட்ப அணுகலை விரிவுபடுத்த முக்கிய பங்காற்றி வருவதாகவும், இந்த சர்வதேச அங்கீகாரம் மலேசியாவின் டிஜிட்டல் மாற்றப் பயணத்திற்கு புதிய ஊக்கத்தை அளிப்பதாகவும் தெரிவிக்கப்பட்டது.
இந்நிகழ்வில் மலேசிய தொடர்புத்துறை அமைச்சும், மலேசிய தொடர்பு மற்றும் பல்லூடக ஆணையமும் வழங்கிய பங்களிப்பு பாராட்டப்பட்டது. டிஜிட்டல் அதிகாரமளிப்பில் இவ்வமைப்புகள் மேற்கொண்டு வரும் முயற்சிகள் நாட்டின் சமூக மற்றும் பொருளாதார வளர்ச்சிக்கு துணைபுரிவதாகக் கூறப்பட்டது.
