வாஷிங்டன், 26 ஏப்ரல் 2026 : வெள்ளை மாளிகை நிருபர்கள் சங்கத்தின் வருடாந்திர விருந்தின்போது துப்பாக்கிச்சூடு சம்பவம் இடம்பெற்றதைத் தொடர்ந்து அமெரிக்க அதிபர் Donald Trump அவசரமாக பாதுகாப்பு அதிகாரிகளால் வெளியேற்றப்பட்டார். சம்பவத்தில் சந்தேக நபர் ஒருவர் காவலில் எடுக்கப்பட்டதாக அதிகாரிகள் தெரிவித்தனர்.
வாஷிங்டனில் உள்ள ஹில்டன் மண்டபத்தில் நடைபெற்ற நிகழ்வில் திடீரென துப்பாக்கிச் சத்தம் கேட்கப்பட்டதைத் தொடர்ந்து, விருந்தில் பங்கேற்ற அரசுத் தலைவர்கள், அதிகாரிகள் மற்றும் ஊடகத்தினர் பாதுகாப்பு நடவடிக்கையாக வெளியேற்றப்பட்டனர். சிலர் மேசைகளின் கீழ் தஞ்சம் புகுந்ததாகவும் தகவல்கள் தெரிவிக்கின்றன.
பாதுகாப்பு வளையத்தை உடைத்து நுழைய முயன்ற ஆயுதம் ஏந்திய நபர் ஒருவரை பாதுகாப்புப் படையினர் தடுத்து நிறுத்தியதாகவும், ஒரு பாதுகாப்பு அதிகாரி குண்டு துளைக்காத கவசத்தால் காயமின்றி தப்பியதாகவும் தெரிவிக்கப்பட்டுள்ளது. சம்பவத்தில் அதிபர் டிரம்ப் உள்ளிட்ட முக்கிய தலைவர்கள் அனைவரும் பாதுகாப்பாக உள்ளதாக அதிகாரப்பூர்வமாக உறுதிப்படுத்தப்பட்டது.
இந்த சம்பவத்தையடுத்து நிகழ்ச்சி ரத்து செய்யப்பட்டதாகவும், பின்னர் மாற்று தேதியில் நடத்த பரிசீலனை செய்யப்படுவதாகவும் தகவல் வெளியாகியுள்ளது. சம்பவம் குறித்து கூட்டாட்சி அதிகாரிகள் விசாரணை மேற்கொண்டு வருகின்றனர்.
