கோலாலம்பூர், 06 ஏப்ரல் 2026 : முதல் மலேசியக் கப்பல் ஹோர்முஸ் ஜலசந்தியைக் கடந்துள்ளதாக, மலேசியாவிலுள்ள ஈரான் தூதரகம் X செய்தி மூலம் தெரிவித்துள்ளது. “ஈரானிய இஸ்லாமியக் குடியரசு தனது நண்பர்களை மறக்காது என்று நாங்கள் கூறியுள்ளோம். ஹோர்முஸ் ஜலசந்தியைக் கடந்து செல்லும் முதல் மலேசியக் கப்பல் இது,” என்று அந்தச் செய்தி தெரிவித்தது. அந்தப் பதிவில், கூடுதல் விவரங்கள் ஏதுமின்றி ஒரு கப்பலின் படமும் இடம்பெற்றிருந்தது.
ஞாயிற்றுக்கிழமை அன்று, ஈரான் அதிபர் மசூத் பெஷெஷ்கியனுடனான பேச்சுவார்த்தைகளின் விளைவாக, ஹோர்முஸ் ஜலசந்தியில் சிக்கியிருந்த ஏழு மலேசியக் கப்பல்கள் தங்கள் பயணத்தைத் தொடர்வதற்கு மலேசியா அனுமதி பெற்றதாக பிரதமர் டத்தோ செரி அன்வார் இப்ராஹிம் தெரிவித்தார்.
எங்கள் கப்பல் இன்னும் ஹோர்முஸ் ஜலசந்தியில் சிக்கியுள்ளது என்றும், இது மக்களின் தேவைகளுக்கும் நாட்டின் எண்ணெய் விநியோகத்திற்கும் முக்கியமானது என்றும் ஈரான் அதிபரிடம் தெரிவித்தேன். “அந்த அழைப்பு வந்த உடனேயே, மலேசியக் கப்பலுக்கு வழிவிடுமாறு அவர் உத்தரவிட்டார்,” என்று ஜோஹோரின் பெங்கராங்கில் உள்ள எஸ்.எம்.கே தஞ்சோங் பெங்கெலிஹ் பள்ளியில் நடைபெற்ற பெங்கராங் தொழிற்கல்லூரியின் தொடக்க விழாவில் அவர் கூறினார்.
