கோலாலம்பூர், 14 மார்ச் 2026 : கோலாலம்பூர் செந்தூலில் உள்ள எஸ்.ஜே.கே.(தி) செந்தூல் தமிழ்ப்பள்ளியில் “ஸ்மார்ட் எடுஸ்பேஸ் ஹைபிரிட் வகுப்பறை” மற்றும் கணினி ஆய்வகம் இன்று அதிகாரப்பூர்வமாக தொடங்கி வைக்கப்பட்டது.
இந்த நிகழ்வில் பத்து நாடாளுமன்ற உறுப்பினர் பி. பிரபாகரன் கலந்து கொண்டு புதிய தகவல் தொழில்நுட்ப (ICT) வகுப்பறையை திறந்து வைத்தார்.
முன்னதாக அவர் வழங்கிய RM50,000 நிதியை பள்ளி நிர்வாகம் பயனுள்ளதாக பயன்படுத்தி, மாணவர்களின் கற்றல் செயல்முறையில் தொழில்நுட்ப பயன்பாட்டை வலுப்படுத்தும் வகையில் இந்த ஐ.சி.டி. வகுப்பறை மற்றும் கணினி ஆய்வகத்தை அமைத்துள்ளது.
இந்த முயற்சி மூலம் மாணவர்களுக்கு நவீன வசதிகளுடன் கூடிய, தொடர்பாடலுடன் கூடிய கற்றல் சூழலை உருவாக்குவதோடு, தற்போதைய கல்வி முன்னேற்றங்களுடன் ஒத்துப்போகும் கல்வி முறையையும் வழங்க முடியும் என எதிர்பார்க்கப்படுகிறது.
