பெட்டாலிங் ஜெயா, 10 மார்ச் 2026 : திரையரங்குகளில் வெளியாகி ரசிகர்களின் கவனத்தை ஈர்த்துள்ள தமிழ் திரைப்படமான ‘Kadhal Reset Repeat’ படத்தை முன்னிட்டு இசையமைப்பாளர் ஹாரிஸ் ஜெயராஜ் மற்றும் படத்தின் முன்னணி நடிகர் மதும்கேஷ் ரசிகர்களை சந்திக்கும் சிறப்பு Meet & Greet நிகழ்ச்சி மலேசியாவின் பெட்டாலிங் ஜெயாவில் உள்ள LFS திரையரங்கில் நடைபெற்றது.
இந்த நிகழ்ச்சியில் பல தமிழ் திரைப்பட ரசிகர்கள் உற்சாகமாக கலந்து கொண்டு கலைஞர்களை நேரில் சந்தித்து மகிழ்ந்தனர். ரசிகர்களுடன் உரையாடிய ஹாரிஸ் ஜெயராஜ், படத்தின் இசை உருவாக்கம் மற்றும் பணியாற்றிய அனுபவங்களை பகிர்ந்துகொண்டார்.
நிகழ்ச்சியில் நடிகர் மதும்கேஷ் தனது கதாபாத்திரம் மற்றும் படப்பிடிப்பு அனுபவங்களை ரசிகர்களுடன் பகிர்ந்துகொண்டதுடன், ரசிகர்களுடன் புகைப்படங்களும் எடுத்துக் கொண்டு அவர்களின் ஆதரவுக்கு நன்றி தெரிவித்தார்.
‘Kadhal Reset Repeat’ திரைப்படம் காதல், உணர்ச்சி மற்றும் இளைஞர்களின் வாழ்க்கை அனுபவங்களை மையமாகக் கொண்டு உருவாக்கப்பட்டுள்ளதாக படக்குழு தெரிவித்துள்ளது.
மலேசியாவில் நடைபெற்ற இந்த ரசிகர் சந்திப்பு நிகழ்ச்சி, திரைப்படம் வெளியானதையடுத்து ரசிகர்களிடையே பெரும் உற்சாகத்தையும் ஆதரவையும் வெளிப்படுத்தியதாக ஏற்பாட்டாளர்கள் தெரிவித்தனர்.
