புதுடெல்லி, 23 பிப்ரவரி 2026 : சுதந்திர இந்தியாவின் முதல் மற்றும் ஒரே இந்திய கவர்னர் ஜெனரலான C. Rajagopalachari அவர்களின் மார்பளவு சிலை டெல்லியில் உள்ள Rashtrapati Bhavan வளாகத்தில் நிறுவப்பட்டுள்ளது. இந்த சிலையை ஜனாதிபதி Droupadi Murmu இன்று திறந்து வைத்தார்.
இதுகுறித்து ராஷ்ட்ரபதி பவனின் ‘எக்ஸ்’ தளத்தில் வெளியிடப்பட்ட பதிவில், “காலனித்துவ மனநிலையின் எச்சங்களை நீக்கி, பாரதத் தாய்க்கு அர்ப்பணிப்புடன் சேவை செய்த தலைசிறந்தவர்களை கௌரவிக்கும் நோக்கிலும், இந்திய கலாசாரத்தை பெருமையுடன் கொண்டாடும் முயற்சிகளின் தொடர்ச்சியாகவும் இந்த நடவடிக்கை எடுக்கப்பட்டுள்ளது” என்று குறிப்பிடப்பட்டுள்ளது.
இந்த மார்பளவு சிலை ராஷ்ட்ரபதி பவனில் உள்ள Ashoka Hall அருகே அமைக்கப்பட்டுள்ளது. நிகழ்ச்சியில் துணை ஜனாதிபதி C. P. Radhakrishnan, மத்திய சுகாதாரம் மற்றும் குடும்ப நலத்துறை அமைச்சர் J. P. Nadda, மத்திய வெளியுறவுத்துறை அமைச்சர் S. Jaishankar, மத்திய கல்வித்துறை அமைச்சர் Dharmendra Pradhan, மத்திய கலாசாரம் மற்றும் சுற்றுலாத்துறை அமைச்சர் Gajendra Singh Shekhawat, மத்திய தகவல் மற்றும் ஒளிபரப்புத்துறை இணை அமைச்சர் L. Murugan மற்றும் ராஜகோபாலச்சாரியின் குடும்பத்தினரும் கலந்து கொண்டனர்.
