நல்லிணக்கத்தை உருவாக்குவதில் ஒவ்வொரு தலைவரும் முக்கிய பங்கு வகிக்க வேண்டும்

பாபார், 28/03/2025 : அரசியல் அல்லது மதங்களைப் பொருட்படுத்தாமல், இந்நாட்டில் நல்லிணக்கத்தை உருவாக்குவதில் ஒவ்வொரு தலைவரும் முக்கிய பங்கு வகிக்க வேண்டும்.

அரசியல் வேறுபாடுகள் இருந்தாலும், 3ஆர் எனப்படும் இனம், மதம் மற்றும் அரசக் குடும்பம் தொடர்பான கருத்துகள் வெளியிடும் போது, குறிப்பாக சமூக ஊடகங்களில் பதிவிடும்போது நெறிமுறைகளைப் பின்பற்ற வேண்டும் என்று மத விவகாரங்களுக்கான பிரதமர் துறை அமைச்சர் டத்தோ டாக்டர் முஹமட் நயிம் மொக்தார் தெரிவித்தார்.

“உண்மைகளைச் சரிபார்க்க வேண்டும். உண்மை என்னவென்றால், அது உணர்ச்சிகளை அடிப்படையாகக் கொண்டிருக்கக் கூடாது. எனவே, மக்கள் சரியான உண்மைகளைப் பெற வலியுறுத்தப்படுகிறார்கள். குறிப்பாக 3 ஆர் பிரச்சினைகள் சம்பந்தப்பட்டவை. நாம் கவனமாக இருக்க வேண்டும். ஏனென்றால், நான் முன்பு குறிப்பிட்டது போல, அது நம்மைப் பிரிக்கத் தூண்டக்கூடிய ஒரு பிரச்சினை”, என்று அவர் கூறினார்.

இந்நாட்டில் உள்ள மக்கள் பல மதங்கள் மற்றும் பல இனங்களைச் சார்ந்துள்ளதால், மோதல் மற்றும் விரோதத்தை ஏற்படுத்தக்கூடிய விவகாரங்களைத் தவிர்க்க வேண்டும் என்று அவர் கூறினார்.

ஒற்றுமையை உருவாக்குவதன் முக்கியத்துவத்தையும், அமைதியான மற்றும் பாதுகாப்பான நாட்டை மேம்படுத்துவதன் முக்கியத்துவத்தையும் டாக்டர் முஹமட் நயிம் வலியுறுத்தினார்.

Source : Bernama

#Madani
#Entamizh
#MalaysiaNews
#MalaysianNews
#LatestNews
#MalaysiaTamilNews
#MalaysiaOnlineMedia
#MalaysiaOnlineNews
#Malaysia
#MalaysianTamilNews