இஸ்தானா நெகாரா, 27/01/2025 : மாட்சிமை தங்கிய மாமன்னர், சுல்தான் இப்ராஹிம்மின் அழைப்பின் பேரில், மலேசியாவிற்கு வருகைப் புரிந்திருக்கும், இந்தோனேசிய அதிபர் பிரபாவோ சுபியான்டோவுக்கு, இன்று இஸ்தானா நெகாராவில் அதிகாரப்பூர்வ தேசிய வரவேற்பு நல்கப்பட்டது.
காலை மணி 10 அளவில் இங்கு வந்தடைந்த அவரை மாமன்னர் வரவேற்றார்.
பிரதமர் டத்தோ ஶ்ரீ அன்வார் இப்ராஹிம், துணைப் பிரதமர்கள் டத்தோ ஶ்ரீ டாக்டர் அஹ்மாட் சாஹிட் ஹமிடி மற்றும் டத்தோ ஸ்ரீ ஃபடில்லா யூசோப் மற்றும் அமைச்சரவை உறுப்பினர்களும் இதில் கலந்து கொண்டனர்.
இஸ்தானா நெகாரா மைதானத்தில் நடைபெற்ற தேசிய வரவேற்பில், இரு நாடுகளின் தேசிய கீதங்கள் இசைக்கப்பட்டு, பின்னர் 21 முறை குண்டுகள் முழங்க அரச மலேசிய இராணுவ படையின் மரியாதை அணிவகுப்பும் நடைபெற்றது.
மேஜர் அஸ்ஹாம் முஹமட் தலைமையில் மூன்று அதிகாரிகள் மற்றும் 103 உறுப்பினர்களை உட்படுத்திய இராணுவ படையின் மரியாதை அணிவகுப்பை இந்தோனேசிய அதிபர் பார்வையிட்டார்.
அதிகாரப்பூர்வ வரவேற்புக்குப் பின்னர், மாமன்னர் சுல்தான் இப்ராஹிம், அதிபர் பிரபாவோ மற்றும் அதிகாரிகள் அனைவரும் விருந்துப்பசரிப்பில் கலந்து கொண்டனர்.
முன்னதாக, இந்தோனேசிய அதிபர் பிரபாவோ சுபியான்டோ இன்று அதிகாலை மலேசியாவை வந்தடைந்தார்.
அவர் பயணித்த விமானம், அதிகாலை மணி 5.50 அளவில் அரச மலேசிய ஆகாயப்படை விமான தளத்தில் தரையிறங்கியது.
இந்தோனேசிய அமைச்சர்கள் மற்றும் அரசாங்க மூத்த அதிகாரிகள் கொண்ட குழுவுடன் வந்திருந்த பிரபாவோ சுபியான்டோவை இயற்கைவளம் மற்றும் இயற்கை நிலைத்தன்மை அமைச்சர் நிக் நஸ்மி நிக் அஹ்மட் வரவேற்றார்.
Source : Bernama
#Indonesia
#IndonesianPresident
#PrabowoSubianto
#MalaysiaIndonesia
#Entamizh
#MalaysiaNews
#LatestNews
#MalaysiaTamilNews
#MalaysiaOnlineMedia
#MalaysiaOnlineNews
#Malaysia
Comments are closed, but trackbacks and pingbacks are open.