கோலாலம்பூர், 02 நவம்பர் 2026 : மலேசியாவின் இளம் மோட்டார் பந்தய வீரர்கள் சர்வதேச அரங்கில் நாட்டுக்குப் பெருமை சேர்க்கத் தொடர்ந்து முயற்சி செய்ய வேண்டும் எனப் பிரதமர் டத்தோஸ்ரீ அன்வார் இப்ராஹிம் ஊக்கமளித்துள்ளார். பிரதமர் அன்வார் இப்ராஹிம், நாட்டின் இளம் பந்தய வீரர்களான ஹக்கிம் டேனிஷ், காபில் இர்பான், கய்யிம் ரசின் மற்றும் நகிப் ரிஃப்கி ஆகிய நால்வரையும் சந்தித்து, அவர்களுக்குத் தனது வாழ்த்துகளையும் உற்சாகத்தையும் தெரிவித்தார்.
இந்தச் சந்திப்பின்போது, மோட்டோ3 பந்தயத்தில் நான்காவது இடத்தைப் பிடித்து போட்டியை நிறைவு செய்த ஹக்கிம் டேனிஷுக்கு பிரதமர் பாராட்டுத் தெரிவித்தார். எஞ்சியுள்ள பந்தயங்களிலும் தொடர்ந்து சிறப்பாகச் செயல்பட்டு, மேலும் உயர்ந்த நிலையை அடைய முயற்சி செய்ய வேண்டும் என்றும் அவர் ஊக்குவித்தார்.
இதுகுறித்து தனது முகநூல் பதிவில் குறிப்பிட்ட பிரதமர், இளம் வீரர்கள் மனம் தளராமல் தொடர்ந்து உழைக்க வேண்டும் என்றும், எதிர்காலத்தில் அவர்கள் உலக அரங்கில் மலேசியாவின் பெயரை உயர்த்துவதுடன், நாட்டின் மேலும் பல இளைஞர்களுக்கு முன்மாதிரியாகத் திகழ வேண்டும் என்றும் வாழ்த்தினார்.
இளம் விளையாட்டு வீரர்களின் திறமையை அங்கீகரித்து, அவர்களைச் சர்வதேச அளவில் சாதிக்க ஊக்குவிப்பது நாட்டின் விளையாட்டுத் துறையின் வளர்ச்சிக்கு முக்கியமானதாகும். பிரதமரின் இந்தச் சந்திப்பு, மலேசியாவின் இளம் மோட்டார் பந்தய வீரர்களுக்கு மேலும் ஊக்கமளிக்கும் முயற்சியாக அமைந்துள்ளது.
