சிலாங்கூர், 17 செப்டம்பர் 2026 : கோலாலாங் மாவட்ட வளர்ச்சி நடவடிக்கைக் குழுவின் (JTPD) 2026ஆம் ஆண்டுக்கான 3ஆவது கூட்டத்தில் பந்திங் சட்டமன்ற உறுப்பினர் பாப்பாராயுடு வீரமன் கலந்து கொண்டார். கோலாலாங் மாவட்ட அதிகாரி யம் தெங்க்கு ரோஹானா பிந்தி தெங்க்கு நவாவி தலைமையில் நடைபெற்ற இக்கூட்டத்தில், மாவட்ட அளவில் மேற்கொள்ளப்படும் பல்வேறு வளர்ச்சிப் பணிகள் மற்றும் அவற்றின் செயல்பாடுகள் குறித்து விவாதிக்கப்பட்டன.
குறிப்பாக, உள்ளூர் மக்களின் தேவைகள் மற்றும் நலன்கள் தொடர்பான விவகாரங்கள் கூட்டத்தில் கவனத்தில் கொள்ளப்பட்டன. பந்திங் சட்டமன்றத் தொகுதிக்கு உட்பட்ட பகுதிகளில் மேற்கொள்ள வேண்டிய வளர்ச்சிப் பணிகள் குறித்தும் ஆலோசிக்கப்பட்டது.
மக்கள் பிரதிநிதியாக, தொகுதியின் வளர்ச்சி தொடர்பான பிரச்சினைகள், பொது வசதிகள் மற்றும் மக்களின் அடிப்படைத் தேவைகளுக்கு தொடர்ந்து முக்கியத்துவம் அளிப்பதாக பாப்பாராயுடு வீரமன் தெரிவித்தார். மேலும், செயல்படுத்தப்படும் ஒவ்வொரு திட்டமும் உள்ளூர் மக்களுக்கு பயனளிப்பதுடன், அவர்களின் வாழ்க்கைத் தரத்தையும் நலனையும் மேம்படுத்தும் வகையில் இருக்க வேண்டும் என்றும் அவர் வலியுறுத்தினார்.
