தாய்லாந்து, 28 ஆகஸ்ட் 2026 : பசுமை வேலைவாய்ப்புத் துறையில் ASEAN நாடுகளுக்கு தலைமைத்துவம் வழங்கும் மலேசியா, 2026–2030 காலகட்டத்திற்கான பிராந்திய பசுமை வேலைவாய்ப்பு திட்டத்தின் முன்னணி நாடாக மீண்டும் நியமிக்கப்பட்டுள்ளதாக துணை அமைச்சர் ராமணன் ராமகிருஷ்ணன் தெரிவித்துள்ளார்.
தாய்லாந்தின் பாங்காக்கில் நடைபெற்ற 29-வது ASEAN தொழிலாளர் அமைச்சர்கள் கூட்டத்தின் (ALMM) சமீபத்திய முன்னேற்றங்கள் குறித்து விளக்கமளித்த அவர், 2018 முதல் ASEAN பசுமை வேலைவாய்ப்பு நிகழ்ச்சி நிரலை முன்னெடுத்து வரும் மலேசியா, இந்தப் பொறுப்பை தொடர்ந்து மேற்கொண்டு வருவதாகக் கூறினார்.
மலேசியா இதுவரை பசுமை வேலைவாய்ப்பு தொடர்பான இரண்டு முக்கிய ASEAN ஆவணங்களை அறிமுகப்படுத்தியுள்ளது. இதில், 2025–2030 காலத்திற்கான நியாயமான மற்றும் உள்ளடக்கிய பசுமை வேலைவாய்ப்புக்கான மாற்றத்திற்கான ASEAN கட்டமைப்பு மற்றும் செயல் திட்டமும் அடங்கும்.
புத்ராஜெயாவில் நடைபெற்ற ASEAN பசுமை வேலைவாய்ப்பு மன்றம் 2025-இல் 450-க்கும் மேற்பட்ட பிரதிநிதிகள் பங்கேற்றதாகவும் ராமணன் தெரிவித்தார். செயற்கை நுண்ணறிவு, டிஜிட்டல் மயமாக்கல், எதிர்காலத் திறன் மேம்பாடு, தொழில்நுட்ப மற்றும் தொழிற்கல்வி பயிற்சி (TVET), வேலைவாய்ப்பு நகர்வு மற்றும் சிறு, குறு, நடுத்தர நிறுவனங்களுக்கான ஆதரவு ஆகியவை மன்றத்தில் முக்கிய விவாதங்களாக இடம்பெற்றன.
பசுமைப் பொருளாதாரத்தை நோக்கிய ASEAN மாற்றம் புதிய வேலைவாய்ப்புகளை உருவாக்குவதோடு, மாறிவரும் வேலைவாய்ப்பு உலகில் எந்தவொரு தொழிலாளரும் பின்தங்காமல் இருப்பதை உறுதி செய்வதே மலேசியாவின் நோக்கம் என அவர் தெரிவித்தார். “நிலையான வேலைவாய்ப்புகளுக்கு முன்னுரிமை அளிக்கும், அனைவரையும் உள்ளடக்கிய, எதிர்கால சவால்களை எதிர்கொள்ளத் தயாரான ASEAN-ஐ உருவாக்க வேண்டும்,” என்றும் ராமணன் ராமகிருஷ்ணன் வலியுறுத்தினார்.
