பேராக், 27 ஆகஸ்ட் 2026 : பேராக் மாநிலம் தாப்பா ரோடு பகுதியில் உள்ள ஸ்ரீ சிவ சுப்பிரமணியர் ஆலயத்தில் அமைக்கப்பட்டுள்ள 9.01 மீட்டர் உயரமான ஆறுமுக முருகன் சிலை மலேசிய சாதனைப் புத்தகத்தில் இடம்பெற்று புதிய சாதனையைப் படைத்துள்ளது.
கம்போங் மாக் தே பகுதியில் அமைந்துள்ள இந்த ஆலயத்தில், ஸ்ரீ சுப்பிரமணியர் பக்தர்கள் சங்கம், தாப்பா ரோடு, பேராக் சார்பில் பிரம்மாண்டமான ஆறுமுக முருகன் சிலை அமைக்கப்பட்டுள்ளது. அதிகாரப்பூர்வமாக 9.01 மீட்டர் உயரம் கொண்டதாக அளவிடப்பட்டுள்ள இச்சிலை, மலேசியாவில் அமைக்கப்பட்டுள்ள மிக உயரமான ஆறுமுக முருகன் சிலை என்ற சாதனையைப் பெற்றுள்ளது.
முருகப்பெருமானின் ஆறு முகங்களைக் கொண்ட ஆறுமுக வடிவத்தை அடிப்படையாகக் கொண்டு இச்சிலை அமைக்கப்பட்டுள்ளது. ஆலயத்திற்கு வரும் பக்தர்களை ஈர்க்கும் முக்கிய ஆன்மிக அடையாளமாகவும் இச்சிலை திகழ்கிறது. 9.01 மீட்டர் உயரம் கொண்ட இந்த ஆறுமுக முருகன் சிலை மலேசிய சாதனைப் புத்தகத்தில் அதிகாரப்பூர்வமாக இடம்பெற்றிருப்பது, ஆலய நிர்வாகத்தினருக்கும் பக்தர்களுக்கும் பெருமைக்குரிய தருணமாக அமைந்துள்ளது.
இந்த சாதனையின் மூலம் ஸ்ரீ சிவ சுப்பிரமணியர் ஆலயத்தின் பெருமை மேலும் உயர்ந்துள்ளதுடன், பேராக் மாநிலத்தில் முருக பக்தர்களின் முக்கிய ஆன்மிகத் தலமாகவும் ஆலயம் கவனம் பெற்றுள்ளது.
